(မျက်ရည်လွယ်သူများအတွက်...) ပြည့်တန်ဆာမလေးကို ဘဝပေးပြီး ချစ်တဲ့သူ || Redeeming Love (2022)

Redeeming Love ဆိုတာကတော့ ဖရန်စင်းရစ်ဗားစ် (Francine Rivers) ရေးသားခဲ့တဲ့ သမိုင်းနောက်ခံ အချစ်ဝတ္ထုတစ်ပုဒ်ဖြစ်ပြီး ၁၉၉၁ ခုနှစ်မှာ စတင်ထုတ်ဝေခဲ့ပါတယ်။ ဇာတ်လမ်းကို ၁၈၅၀ ခုနှစ်များ ကယ်လီဖိုးနီးယား ရွှေဇောကပ်တဲ့ခေတ် (California Gold Rush) ခေတ်ကို နောက်ခံထားပြီး ရိုက်ဖွဲ့ထား ပါတယ်။ ၂၀၂၀ ပြည့်နှစ် ရောက်တဲ့အခါ ဒီဝတ္ထုကိုကမ္ဘာတစ်ဝန်းမှာ အုပ်ရေ သုံးသန်းကျော် ရောင်းချ ခဲ့ရပြီး ဘာသာစကား ၃၀ ကျော်ကိုလည်း ဘာသာပြန်ဆိုခဲ့ပြီး ဖြစ်ပါတယ်။ ၂၀၂၂ ခုနှစ် မှာတော့ ဒီစာအုပ်ကို ရုပ်ရှင်အဖြစ် ပြန်လည်အသက်သွင်း ရိုက်ကူးခဲ့ပါတယ်။ ဒါရိုက်တာ ဒီဂျေ ကာရူဆို (D.J. Caruso) က ရိုက်ကူးပြီး အဘီဂေးလ် ကော်ဝင် (Abigail Cowen)၊ တွမ် လူးဝစ် (Tom Lewis) နဲ့ အဲရစ် ဒိန်း (Eric Dane) တို့က အဓိက သရုပ်ဆောင်တွေအဖြစ် ပါဝင်ခဲ့ကြပါတယ်။ 🎬 ဇာတ်လမ်းအကျဉ်း အိန်ဂျယ် (Angel) (မင်းသမီး Abigail Cowen) ဟာ မြို့ရဲ့အလှဆုံး၊ ဈေးအကြီးဆုံး ပြည်တန်ဆာ တစ်ဦး ပါ။ ငယ်စဉ်ကတည်းက လူကုန်ကူးခံရပြီး အမျိုးသားများရဲ့ သစ္စာဖောက်မှု၊ ရက်စက်မှုတွေနဲ့သာ ကြီးပြင်းလာရတဲ့အတွက် သူမဟာ ကိုယ့်ကိုယ်ကိုယ်ရော၊ အမျိုးသားတွေကိုပါ အမုန်းတရားနဲ့ ရှင်သန် နေခဲ့ရသူပါ။ တစ်နေ့မှာတော့ လယ်သမားတစ်ဦးဖြစ်တဲ့ မိုက်ကယ် ဟိုဆီးယား (Michael Hosea) (မင်းသား Tom Lewis) ဟာ ပေါ်လာခဲ့တယ်။ သူက အိန်ဂျယ်ကို မြင်မြင်ချင်း စွဲလမ်းသွားပြီး၊ တခြားသူတွေလို ပျော်ပါး ဖို့ မဟုတ်ဘဲ လက်ထပ်ဖို့ ကမ်းလှမ်းခဲ့တယ်။ အကြိမ်ကြိမ်ငြင်းပယ်ခံရ၊ လှောင်ပြောင်ခံရပေမဲ့ မိုက်ကယ် ဟာ သူ့ရဲ့ အချစ်နဲ့ စိတ်ရှည်မှုတွေကို ဘယ်တော့မှ မစွန့်လွှတ်ခဲ့ပါဘူး။ အိန်ဂျယ်ဟာ လွတ်လပ်ဖို့ ကြိုးစားရင်း ပြင်းထန်စွာ ရိုက်နှက်ခံရပြီး သေလုနီးပါးဖြစ်ချိန်မှာ မိုက်ကယ် က သူ့မှာရှိတဲ့ ပိုက်ဆံအားလုံးကို ပေးချေပြီး သူမရဲ့အသက်နဲ့ လွတ်လပ်မှုကို ရွေးယူခဲ့တယ်။ လက်ထပ်ပြီးနောက် လယ်ယာအိမ်မှာ အတူနေထိုင်ကြပေမဲ့ အတိတ်ဒဏ်ရာတွေနဲ့ ပြည့်နေတဲ့ အိန်ဂျယ်ဟာ မိုက်ကယ်ကို အကြိမ်ကြိမ် ထားခဲ့ပြီး ထွက်ပြေးခဲ့ပါတယ်။ ဒါပေမဲ့ မိုက်ကယ်ဟာ သူမကို အတင်းအကျပ် မချုပ်ချယ်ဘဲ အိမ်နဲ့ချစ်ခြင်းမေတ္တာကိုပဲ ရွေးချယ်ခွင့် ပေးခဲ့ပါတယ်။ အတိတ်ရဲ့ အမှောင်ထုထဲမှာ နစ်မြုပ်နေတဲ့ အမျိုးသမီးတစ်ဦးဟာ နောက်ဆုံးမှာ ချစ်ခြင်းမေတ္တာနဲ့ ကယ်တင်ခြင်းကို ဘယ်လိုရရှိပြီး ဘဝသစ်ကို ပြန်လည်တည်ဆောက်ခဲ့လဲဆိုတာ ဒီစိတ်လှုပ်ရှားဖွယ် ဇာတ်လမ်းကို ကြည့်ရှုလိုက်ရအောင်။ (မျက်ရည်လွယ်သူများအတွက်) ပြည့်တန်ဆာမလေးကို ဘဝပေးပြီး ချစ်တဲ့သူ || Redeeming Love (2022) Copyright Disclaimer: Every Video, Audio, Footage, and Image … in this content under terms of Fair Use, Permitted by Copyright Statute. All content in this Channel is for reviewing, learning, and information for entertainment. Thank you for watching. #RedeemingLove #အချစ်ရဲ့ကယ်တင်ခြင်း #RedeemingLoveMovie #အချစ်ဇာတ်လမ်း #ချစ်ခြင်းမေတ္တာ #ဒုတိယအခွင့်အရေး #HistoricalRomance #fullhouse4recap #LoveStory #MovieRecapMM