Дар Душанбе омӯзиши санъати тасвирии хоси абрисозӣ дар ҷараён аст

Дар Донишкадаи санъати тасвирӣ ва дизайн тренинг-омӯзиши хос рафта истодааст. Усули тасвирии нодири абрисозиро, ки бо номи "Эбру" машҳур аст, ба ҳавасмандон муаллимаи варзида аз Туркия меомӯзонад. Тренинг аз 16-уми май шурӯъ шудааст ва алакай аз натиҷаҳои чашмрас қисса мекунанд. “Ман як чизро ҷиддӣ мегӯям, ман дар аврупо амрико ва кишварҳои арабӣ будам ва ин санъатро ба намоиш гузоштам, аммо чун донишҷӯёни тоҷик ҳушмандро вонахурдам. Як чизро мефаҳмонӣ, зуд меомӯзанд ва дарҳол таркор мекунанд”, - мегӯяд мураббии санъати абру аз Туркия Нуран Онер. Абрисозӣ усули махсуси тасвирист. Болои об бо ранги махсус муаллиф тасвире мекунад. Ва пас онро ба рӯи дигар ашё мегузаронанд - чӯб, оҳан, санг, чарм, ва маъмулан қоғаз. Ҳамаи тасвирҳо маънои чуқури фалсафӣ доранд. Назарҳо дар мавриди ватани санъати абрисозӣ гуногунанд. Вале хонум Онер мегӯяд, ин санъат дар асрҳои миёна аз Бухоро ба Ирон, ва аз он ҷо ба Туркия рафтааст ва туркҳо онро ба дигар кишварҳои дунё паҳн кардаанд. Абрисозӣ ба маънои тасвир “дар рӯи об” ва ё “коғази абру бод” фаҳмида мешавад. Манижа Ҳакимзода қаблан дар мавриди ин санъат ҳеч тасаввуроте надошт, аммо тӯли чор рӯз аз ин санъати анъанавӣ хушаш омад ва дар оянда мехоҳад худро дар ин ришта низ бубинад. “Ҳангоми машғул будан бо ин – асаб ором мешавад, фикр поку тоза мешавад. Бояд ҳама чизро оҳиста, фикр карда, бо як фантазия идеяи дар зеҳн бударо изҳор кунем”, - мегӯяд иштирокчии тренинг Манижа Ҳакимзода. Ин дарси омӯзиширо Оҷонсии оид ба ҳамкорӣ ва ҳамоҳангсозӣ дар Туркия – ТИКА - барои тақвияти ҳамкориҳо миёни Тоҷикистону Туркия роҳандозӣ кардааст. Тренинг то 26 май идома хоҳад кард. Подписывайтесь на наш канал, и посетите наш: Веб-сайт: https://asiaplustj.info Facebook:   / asiaplustj   Instagram:   / asiaplustj   #эбру #таджикистан #asiaplus