هۆشیار و تابلۆی ژمارە ١ی هەڵەبجە

هۆشیار و تابلۆی ژمارە ١ی هەڵەبجە ______**z@nko**______ نووسینی: زانکۆ بورهان... وشیار بیاوێڵەیی یان وشیاری مین هەڵگرەوە ناونیشانی ئەو پیاوە هەڵەبجەییە، کە (٣٣) ساڵە خۆبەخشانە میین و تەقەمەنی هەڵدەگرێتەوە لەو پێناوەدا هەردوو قاچیشی لەدەستداوە... هۆشیار بیاوێڵەیی (١٨)ساڵە بەتابلۆی ژمارە (١)ی (کوردستان_هەڵەبجە) بەمەبەستی هەڵگرتنەوە و پاکردنەوەی خاکی کوردستان لەمیین زۆربەی شار و شارۆچکە و گوند و شاخ و دەشتەکانی کوردستان گەڕاوە. هۆشیار بەدوو قاچی دەستکردەوە نزیکی (٢٠) تەن میین و تەقەمەنی لەخاکی کوردستاندا دەرهێناوە، بەژمارە (٢،٣٨٦،٠٠٠) دوو ملیۆن و سێ سەد و هەشتا و شەش هەزار میینی لەخاکی کوردستان هەڵگرتۆتەوە، لەگەڵ پاکردنەوەی (٥٤٠،٠٠٠) پێنج سەد و چل هەزار دۆنم زەوی، هاوکات مینی لەژیر پێی (١٦٠)کەس پوچەڵکردۆتەوە و ژیانیانی لەمردن ڕزگار کردووە... سەبارەت بەدەنگۆی ڕێگەپێدانی ژمارە (١)ی ھەڵەبجەوە لەلایەن جەلال تاڵەبانی سەرۆک کۆماری کۆچکردووە بەهۆشیاری میین هەڵگر، لەپەیوەندییەکی تەلەفوونیدا پێی ڕاگەیاندین: بەھیچ شێوەیە ئەو دەنگۆیە ئەسڵ و ئەساسی نییە و ناڕاستە، وتیشی من بەتەمەنم جەلال تاڵەبانیم ڕووبەڕوو نەدیوە و ڕاست نییە. لەپاشەوەی بەبڕیاری حکومەتی هەرێم و حکومەتی ناوەند لەساڵی (٢٠١٥) هەڵەبجە لەقەزاوە کرا بە پارێزگا، لە (١٣/ ٣/ ٢٠١٩) بڕیاری تابلۆی ( عێراق _ هەڵەبجە )ی بۆ دەرچوو، هاوکات ژمارەیەک لەسەرمایەدار و سیاسەتکار لەسەر ژمارە (١)ی (عێراق _هەڵەبجە) ململانێ و کێبڕکێیانە، ئەمەش لەکاتێکدایە بڕیارە ژمارە (١)ی هەڵەبجە لەزیاد کردنێکی ئاشکرادا بەنرخێکی زۆر گران بفرۆشرێت.. لەگەڵ ئەوەشدا بەشێک لەخەڵکی هەڵەبجە و خەڵکی داوایی ئەوە دەکەن ژمارە (١)ی پارێزگای هەڵەبجە بە هۆشیاری میین هەڵگرەوە بدرێت، چونکە خزمەتێکی زۆری بەخەڵکی هەڵەبجە و کوردستان کردووە و لەپێناوەدا هەردوو قاچی بەهۆی میینەوە لەدەستداوە.. ____________________________ بیۆگرافیای هۆشیاری میین هەڵگر... _هۆشیار عەلی ناسراو بە هۆشیاری میین هەڵگر. _لەساڵی (١٩٦٣) لە گوندی بیاوێڵەی سەربە پارێزگای هەڵەبجە لەدایک بووە. _هەتا پۆلی (٧)ی ناوەندی خوێندووە، دواتر وازی لەخوێندن هێناوە. _لەساڵی (١٩٨٦) بۆتە پێشمەرگەی یەکێتی نیشتیمانی کوردستان. _لەسەردەمی پێشمەرگایەتیدا پلەی ئامر مەفرەزەی هەبووە. _لەئێستادا پلەی سەربازی لیوا ڕووکنی هەیە. _لەساڵی (١٩٨٩) لەکاتی پێشمەرگایەتیدا بەهۆی میینەوە قاچی چەپی لەدەست دەدات. _لەساڵی (١٩٩٤) بەهۆی هەڵگرتنەوەی میینەوە قاچی ڕاستی لەدەست دەدات. _هۆشیار دانیشتووی هەڵەبجەیە و خێزاندارە و خاوەن چەن منداڵێکە. _بەشێوەی پراکتیکی وانەی ئاگایی میین و تەقەمەنی لە (١٣٧) خوێندنگەی سنوری هەڵەبجە و شارەزوور و دەوروبەری وتووەتەوە. _ بەتەنیا (١،١٣٠،٠٠٠) یەک ملیۆن و سەد و سی هەزار میینی لەسنوری پێنجوێن هەڵدەگرێتەوە. _خەڵکی پێنجوێن خۆشیان دەوێت و بنکەی پۆلیس و خوێندنگەیەک و نەخۆشخانەیەک و مزگەوتێک و گوندێک و مەرزێکی بازرگانیان بەناوی هۆشیارە ناو ناوە. _هۆشیار ماوەی (٣٣)ساڵە و لەساڵی (١٩٨٩) خۆبەخشانە و بێ دابڕان دەستی کردووە بە هەڵگرتنەوەی میین و پاککردنەوەی خاكی کوردستان لەمیین. هۆشیار ماوەی (١٨)ساڵە بەتابلۆی ژمارە (١)ی ( هەڵەبجە کوردستان)ەوە زۆربەی ناوچەکانی کوردستان گەڕاوە بەمەبەستی هەڵگرتنەوە و پاکردنەوەی خاکی کوردستان لەمیین. _هۆشیار بەدوو قاچی دەستکردەوە نزیکی (٢٠) تەن میین و تەقەمەنی لەخاکی کوردستاندا دەرهێناوە. _بەژمارە (٢،٣٨٦،٠٠٠) دوو ملیۆن و سێ سەد و هەشتا و شەش هەزار مینی لەخاکی کوردستان هەڵگرتۆتەوە. _هۆشیار (٥٤٠،٠٠٠) پێنج سەد و چل هەزار دۆنم زەوی لەمیین پاک کردۆتەوە. _هۆشیار میینی لەژیر پێی (١٦٠) کەس پوچەڵکردۆتەوە و ژیانیانی لەمردن ڕزگار کردووە. ________________________________ ڕۆژنامەنووسی سەربەخۆ: زانکۆ بورهان... (٢٩/ ٣/ ٢٠١٩)... شارەزوور... تۆ پێت باشە ژمارە (١)ی ھەڵەبجە بە ھۆشیار بدرێت؟