Wayang Golek GH3 Pandu Dewanata Ngalalana (Audio Panggung, 2003) - H. Asep Sunandar Sunarya

Tema : Upaya pelestarian kesenian wayang golek melalui media sosial. Wayang golék Giriharja 3 pingpinan dalang H. Asep Sunandar Sunarya mangrupakeun rékaman audio panggung waktu ngagejrak di Majalengka tanggal 7 Juni 2003. Dina raraga Hari Jadi nu 513 Majalengka. =============== Lakon Kakayon Puraga Jati, jejerna mirip jeung lakon Pusaka Jaya Kamulyan. Jejer tina lalakon ieu intina mah urang kudu bisa ngajaga, ngariksa kalestarian tatangkalan di leuweung. Awal carita dimimitian ku wejangan Prabu Kresna Dipayana, Raja Astina ka putrana Radén Pandu nu dipiharep jadi gaganti Raja Astina. Radén Pandu dititah ngalalana ka wewengkon Talaga Arum pikeun néangan Kakayon Puraga Jati dibarengan ku pawongan Lurah Semar Badranaya katut anak-anakna, Astrajingga jeung Dawala. Nu néangan Kakayon Puraga Jati téh lain Radén Pandu waé, tapi ti tiap karajaan, diantarana Bangbang Kombayana ti nagara Atas Barat. Kakayon Puraga Jati téh dijaga ku wanara nu ngaku ngaran Kapi Jembawan. Carios lengkepna mah mangga bandungan dugi ka réngsé. Cag!