مريضة فراق - كلمات: جذابه - أداء المنشد: محمد الخنفري

شيلة مريضة فراق - كلمات الشاعرة : جذابه - أداء المنشد : محمد بن سالم الخنفري - تصميم : بطي المشعلي - اشترك في القناة وفعل التنبيهات ليصلك كل جديد وحصري . - للتواصل وطلب التصاميم والمونتاج : ‏WhatsApp : 00966551191505 رابط الدخول على الواتس بشكل اسرع : ‏https://wa.me/966551191505 - حسابات التواصل الاجتماعي يوزر موحد : ‏B6ipr الـقـصـيـدة أنا قد بغيت أسج حسبي على الإعلام يجيب القصايد منه بالصوت والصوره تذكرت مجلاسي معه يوم كلٍ نام وسوالف غلا في ليلةٍ مالها جوره يقول اعتزي بي وأطربي والوعد قدام ودرب الهوا نمشي على نهج دستوره وعن كل ما اقوله بتثبت لش الايام لكن اثبتت الايام جفواه والبوره وراحت مواعيد البدايه كما الأحلام وعهد الوفاء اللي بينا طارت طيوره وطريق الوصل ما عاد ذعذع عليه انسام وقصور المحبه قد لها وقت مهجوره وذلول الهجر من صاحبي جاء لها درهام وبراكين صده فالحشاء جاء لها ثوره هجرني وقال المعذره للظروف احكام تراء الغي للعشاق قد راحت عصوره تمر الدقيقه عقب فرقاه كنها عام يا روحي من الحرمان والصد ماجوره مريضة فراق وخاطري من جفاه انظام ما تنفع معي وصفة علاجش يا دكتوره علاجي لقاء من صاب قلبي عليه هيام يزول الكدر والضيق والهم بحضوره تلاعب بي صدوف المقادير شرق وشام واجامل واقول اني بخيرٍ ومسروره يا عذال كفّو العذل لا تكسبون اثام صويب الفراق أدناة ما يجرح شعوره وقلبٍ شكى فرقى المواليف ما ينلام وعينٍ تهل دموع الاحزان معذوره تواصيف خلي شاعر وفارس ومقدام شجاعٍ كريم ٍ يوخذ الشور من شوره لا جيتوه قولو له بكار الغرام احيام ذبحها الضمى يوم الوصال انتهى دوره