Şamo İsayevin Ürəynə kim dağ Çəkdi

Şamo İsayevin Ürəynə kim dağ Çəkdi Bir vaxtların məşhur müğənnisi Şamo İsayev: "Hamı məni unudub" bir vaxtlar adı Məmmədbağır Bağırzadə, Səxavət Məmmədov, Qədir Rüstəmov kimi şəxslərlə yanaşı çəkilən Şamo İsayevi axtarıb tapıb. Məlum olub ki, o, səhhətindəki problemlərə baxmayaraq, köhnə sənətilə məşğuldur. "1996-cı ilin sonlarında gözlənilmədən xəstələndim. Qrip ayaqlarımda problem yaratdı və müalicəyə başlamalı oldum. Bundan sonra fəal yaradıcılıqla məşğul ola bilmədim. Son 12 ili Bakı restoranlarından birində çıxış edirəm. Musiqiçilərlə yanaşı əyləşərək xalq mahnıları, muğamlar, təsniflər ifa edirəm", - deyə Ş.İsayev bildirib. Efirlərdə, KİV-də görünməməsi, heç bir fəxri adının olmaması haqda sualı Ş.İsayev belə cavablandırıb: "Yəqin, hamı məni unudub. Efirdə son dəfə bir neçə il əvvəl - "Ay Zaur" verilişində olmuşam". Toy biznesi haqda da danışan ifaçı bildirib ki, toylarda əvvəlkitək böyük hörmətlə qarşılanır: "Toy ifaçını əsl ifaçı edir. Bu, böyük məktəbdir. Toy görməmiş ifaçı mükəmməl müğənni ola bilməz. Mən heç zaman fonoqramla oxumamışam və bu gün də 5-6 saat canlı ifa etmək iqtidarındayam".Şamo müəllim, necəsiniz? Təşəkkür edirəm, sağ olun. Niyə görünmürsünüz? 1997-ci ildən səhhətimdə problemlər var. Qrip oldum, səhhətimdə ağırlaşma baş verdi. Ona görə də efirlərə getmirəm. Deyəsən bir müddət də boğazınızda problem var idi. Yox. Sadəcə olaraq qripin ağırlaşması baş vermişdi. İndi özünüzü necə hiss edirsiniz? Şükür, yavaş-yavaş özümü idarə edirəm. İxtisasca həkimsiniz. Bəli, Tibb Universitetini bitirmişəm. Bitirdiyim vaxtdan 2005-ci ilə qədər təcili yardım sistemində işləmişəm. Yəni məşhur vaxtlarınızda da təcili yardımda işləyirdiniz? Bəli. Növbəli iş rejimi idi. Bir gün işdə olurdum, üç sutka evdə . Bu rejim mənə münasib olduğuna görə işləyirdim. Bəs təcili yardımdakı işinizlə hansısa çəkiliş üst-üstə düşəndə necə olurdu? Çalışırdım ki, iş toqquşmasın. Operativ şöbənin böyük həkimi idim. Növbədə iki həkim olurduq. Bir-iki saatlıq rəhbərlikdən icazə alırdım, çəkilişə gedirdim. Bir vaxtlar oxuduqlarınız çox populyar idi. 1981-ci ilin may ayında ilk kasetim çıxdı. O vaxt şəkilli kaset yox idi. Cəmi bir səsyazma studiyası var idi. Mahnılarımız bir studiyada yazılırdı və səsyazma məntəqələrində köçürüb camaat arasında yayırdılar. İlk kasetim bir həftəyə Azərbaycanın bütün nöqtələrinə yayıldı. Oxuduqlarımın əksəriyyəti toy mahnıları idi. Musiqidə "ara mahnıları" deyilən anlayış var. Sizin də oxuduqlarınızın əksəriyyəti toy mahnılarıdır. Sizcə, musiqinin bu bölgüsü doğrudur? O mahnılar efirdə səslənmədiyinə görə deyirdilər ki, "ara mahnılarıdır, bunları oxumayın". Vallah indi görürsən ki, kasetlərdə, efirlərdə kim hansı mahnını istəyir, çıxardır da, oxuyur da. O vaxt ara mahnıları çox sevilirdi. İndi həmin mahnılara "bozbaş mahnılar" deyirlər. Bilirsiniz, illər ötdükcə, insan yaşlandıqca fərqli düşünməyə başlayır. İnsan yaşlananda istəyir ki, bəstəkar mahnıları, aşıq mahnıları, muğamlar oxusun ki, qınamasınlar. İstəyirəm deməsinlər ki, "bu nədir oxuyur". Həmişə çalışmışam ki haqqımda belə sözlər deməsinlər. O cür yüngül mahnılardan özüm də qaçmışam. Sadəcə həmin illərdə kasetdə oxuduğun toy mahnılarını məclislərdə də istəyirdilər, məcbur olurdun ki, oxuyasan. Özünüzü ara müğənnisi hesab edirsiniz? Mən necə ara müğənnisi ola bilərəm ki?! Demirəm, soruşuram. 1981-ci ildən peşəkar müğənni kimi ayda bir dəfə, bəzən iki-üç dəfə Dövlət Televiziyasının müxtəlif konsert proqramlarında çıxış eləmişəm. Otuz beş mahnım Azərbaycan radiosunun fondunda qorunur. Peşəkar müğənniyəm, böyük saraylarda oxumuşam. Son dəfə efirdə nə vaxt olmusunuz? Təxminən iki il əvvəl "Ay Zaur" proqramına çəkilmişəm. Yenilikləriniz var? İndi belədir ki, efirə getdinsə, təzə mahnıların olmalıdır. Köhnə mahnılarınızı da yeni aranjimanda ifa edə bilərsiniz. Əlbəttə, bu da yaxşıdır. Deyirlər ki, indi efirlər pulludur. "Ay Zaur"a çəkilmək üçün pul vermişdiniz? Sizi efirə dəvət etmirlər, yoxsa özünüz getmirsiniz? Düzünü deyim ki, "Xəzər" telekanalından üç dəfə zəng edib verilişlərə çağırıblar. Amma səhhətimə görə getməmişəm. İndi toylara gedirsiniz? Bəli. Neçəyə gedirsiniz? Yeni videolardan, ölkə gündəmində baş verən maraqlı hadisələrdən xəbərdar olmaq istəyirsinizsə kanala abunə olub, BİLDİRİŞLƏRİ AÇMAĞI UNUTMAYIN! Abonə ol linki: https://bit.ly/3eH9EYI Kanalımda yayımlanan materialların müəllif hüquqları qorunur. Kanaldakı videoların paylaşılmasına icazə verilmir. 2025 © All Rights Reserved Ucal Media