Kapalak" "Abduqodir Abraev" so'zlari

💥 KAPALAK Bir kunlik umr, berildi senga, Bu ozku demay, ko‘nding kapalak. Tushunolmadim, gullarga qo‘nmay, Yelkamga nega, qo‘nding kapalak. Judayam og‘ir, dunyoning yuki, Kelib ko‘tarish, deganim yo‘qku. Ko‘zlar yumilib, kelganda uyqu, Yelkamga nega, qo‘nding kapalak. Shoirga hech ham, bo‘lmagay oson, Baxt-omad izlab, xo‘p bo‘lar sarson. Mendagi baxtning, bahosi arzon, Yelkamga nega, qo‘nding kapalak. Yelkamdan bosib, ezdi qayg‘ular, Kunda yuz marta, paymonam to‘lar. Yo o‘yladingmi, deya shod bo‘lar, Yelkamga nega, qo‘nding kapalak. Sen ham gul suyar, men ham gul suyar, Senda umr oz, yuragim kuyar. Bo‘lma hech qachon, anduhga to‘yar, Yelkamga nega, qo‘nding kapalak. Senga tilagim, jabr tortmagin, Dunyo tashvishin, boshga ortmagin. Shoirga hech ham, havas qilmagin, Yelkamga nega, qo‘nding kapalak. — "Abduqodir Abraev" ijod mahsuli.