கோவில் கொடை விழாவை முன்னிட்டு மாபெரும் மாட்டு வண்டி எல்கை பந்தயம் - சீறிப்பாய்ந்து சென்ற காளைகள் -

கோவில்பட்டி அருகே கோவில் கொடை விழாவை முன்னிட்டு மாபெரும் மாட்டு வண்டி எல்கை பந்தயம் - சீறிப்பாய்ந்து சென்ற காளைகள் - ஆர்வமுடன் கண்டு களித்த பொதுமக்கள் தூத்துக்குடி மாவட்டம் கோவில்பட்டி அருகே உள்ள ஈராச்சி கிராமத்தில் இருக்கும் ஸ்ரீ வீர காளியம்மன் திருக்கோவில் சித்திரை திருவிழா தற்போது நடைபெற்று வருகிறது இந்த திருவிழாவை முன்னிட்டு மாபெரும் மாட்டு வண்டி எல்கை பந்தயம் ஏற்பாடு செய்யப்பட்டிருந்தது. சின்ன மாட்டு வண்டி, பூஞ்சிட்டு மாட்டு வண்டி என இரண்டு பிரிவுகளாக போட்டிகள் நடைபெற்றன. இதில் சின்ன மாட்டு வண்டி பிரிவில் 12 மாட்டு வண்டிகளும், பூஞ்சிட்டு மாட்டு வண்டி போட்டியில் 25 மாட்டு வண்டிகள் என 47 மாட்டு வண்டிகள் பங்கேற்று காளைகள் சீறிப்பாய்ந்து சென்றன. சாலையில் சீறிப்பாய்ந்து சென்ற காளைகளை பொதுமக்கள் சாலையின் இருபுறமும் இருந்து ஆர்வமுடன் கண்டுகளித்தனர். போட்டியில் வெற்றி பெற்ற மாட்டு வண்டியின் உரிமையாளர்கள் மற்றும் சாரதிகளுக்கு பரிசுகள் வழங்கப்பட்டன.