افراح العوده ||كلمات الشاعر : ناصر المطني ||اداء المنشد :عبدالرحمن صالح

الاشتراك. بالقناة وتفعيل جرس 🔔 التنبيه ليوصلكم جديدنا . . سلام تسليمة وفاء لسهيل ولنجم الجدي سلمان ومحمد املوك المملكة وقطابها سلمان سلمان الحزم سلمان سقم المعتدي القايد اللي تفتخر فيه العرب واعرابها ياسيدي لك الولا .. لك الولا ياسيدي ارواحنا لاجل الوطن حنا نسوق ارقابها ولي عهد المملكة محمد الشبل المدي قاد المسيرة واعتلا والخيل من ركابها حر ليامنه طلع طلعه بعيد وجرهدي يارد على العد القراح وصيدته يسطابها الله يعز المملكة ويعز دين محمدي ويديم حكم ال سعود اعمادها واطنابها سرنا على الدين القويم وهدينا خير الهدي مطبقين سنة محمد وحكم كتابها حنا على وضحا النقاء نمشي ولاجينا عدي ندعس على الروس العنيدة مانحسب حسابها نهد هدات السباع وباعنا باعٍ مدي وتموت حيات الغدر والسم وسط انيابها اللي يعاندنا عقب واللي جحدنا يركدي ناطا على خشوم العدا وندوس فوق اشنابها الله يهين الخاين اللي يحسبنه مقتدي الاجرب اللي عزوته ماهابها ماهابها خوينا مانحقره لو يتردا ويغدي نرفا خطاه ونرفعه مهما تكون اسبابها نصد عن رد الخطا صد الكريم الاجودي وحنا لياكبرت نولعها على من جابها يقطعك يالرجل الردي ويقطعك يالساس الردي ويقطعك يارجال على الفرقه تحث اركابها لاهب نسناس الشمال العذب والريح الندي شاقت هجوسي للشعر والنار من شبابها ارد بها ورد القطا لاروحت للموردي واسري بها سري السحاب بليلة يغدابها مثل المزون المردمه والريح حاديها حدي ليا استهلت وانهمر من مزنها سحابها يامرحبا ترحيبة ياكنها وبل بردي اتعم كل الحاضرين بعودها واطيابها في حفل ابن عوده حمد بسم الله ابدا وابتدي واتعب على بدع البيوت الوافيه واشقابها غنيت لاجلك ياحمد يامحزمي يامسندي وانا وفياً لرجال اللي تصون اصحابها انت الخوي انت الوفي انت الصقيل الاجردي انت الصديق انت الرفيق الطيبة تسعابها ابوك تاج المرجله كل بطيبه يشهدي كل العلوم الطيبة عدا على مرقابها واخوانك اخوان السعد لاجا النهار الاسودي سيوف على ارقاب العدا ماينثني مضرابها على الهلا والمرحبا وعلى البساط الاحمدي اقولها بسمي وبسم اهل الحفل واقرابها قلته وانا من روس قوم للمراجل تصعدي شيوخ الجميل مطوعين الكايده واصعابها ابن منيجل لاحتما الموقف وحان الموعدي يرقى على روس الجبال الشامخه وهضابها الشاعر / ناصر المطني