Qarabağda məskunlaşdırılmış erməni "qaçqınlar" İrəvanda etiraz aksiyası keçiriblər

Qarabağdan olan məcburi köçkünlər Ermənistan hökumətinin binası yaxınlığında etiraz aksiyası keçiriblər. Bir vaxtlar Qarabağda məskunlaşdırılmış erməni "qaçqınlar" İrəvanda növbəti dəfə etiraz aksiyası keçiriblər. bu barədə Ermənistan mətbuatı məlumat yayıb. Bildirilir ki, "qaçqınlar" statuslarının dəqiqləşdirilməsi tələbi ilə Ermənistan Xarici İşlər Nazirliyinin binasının qarşısında toplaşıblar. “Hadrut naminə” qeyri-hökumət təşkilatının rəhbəri Levon Hayriyan jurnalistlərə bildirib ki, Ermənistanın bütün hakimiyyət orqanları "Dağlıq Qarabağ"ın tanınması məsələsinə məhəl qoymayıb və nəticədə xeyli ərazilər əldən çıxdı. Onun sözlərinə görə, etirazçılar o rəsmilərə qarşı çıxırlar ki, onlar Qarabağ torpaqlarını ya birbaşa, ya da dolayısı yolla Azərbaycana aid olduğunu etiraf edir. Etirazçılar Ermənistanın baş naziri Nikol Paşinyanın Dağlıq Qarabağdan olan qaçqınlara 300 mənzil verilməsi ilə bağlı bəyanatından da hiddətləniblər. Onların sözlərinə görə, söhbət cəmi 108 evdən gedir və bu da yalnız Qarabağın dağlıq hissəsinə aiddir. Respublika meydanına toplaşan "qaçqın"lardan biri isə hökumətə qarşı daha sərt çıxışlar edərək bildirib ki, İrəvanda kirayə haqqı 80-150 min dram arasında dəyişir. Qışda isə kommunal xərclər geometrik şəkildə artır. Amma biz qaçqınlara 20 min pul verirlər. Camaat, hamınız bu puldan imtina etməyə hazırsınız? Sabah qərargaha gedin ərizə yazıb deyin ki, 20 mininiz başınıza dəysin ay əclaflar. Xarici İşlər Nazirliyindən isə etirazçılara bildiriblər ki, bəzi işçilər koronavirusla bağlı distant qaydada işləyir. Nazir Ararat Mirzoyan yerində olmadığı üçün onları qəbul edə bilməyəcək. Lakin qaçqınlara yaxın günlərdə görüş təşkil edəcəkləri söz verilib. Bunun ardınca etiraz aksiyasının bəzi iştirakçıları BMT-nin Ermənistandakı ofisinin binasının qarşısına gediblər.   / ictimai.tv     / ictimaitv.official   https://itv.az/ #ictimaitv #video #televiziya #baku #videolar #itv