Արևմտյան Ադրբեջան․ քարոզչությո՞ւն, թե՞ պատրաստվող ծրագիր

Արևմտյան Ադրբեջան․ քարոզչությո՞ւն, թե՞ պատրաստվող ծրագիր Այս թողարկման ընթացքում անդրադառնում ենք մի թեմայի, որի մասին Հայաստանում հաճախ խոսվում է հատվածաբար, բայց հազվադեպ՝ ամբողջական պատկերով։ Քայլ առ քայլ բացահայտում ենք, թե ինչ է իրենից ներկայացնում «Արևմտյան Ադրբեջան» կոչվող հայեցակարգը, որտեղից է այն ծագել, ինչպես է տարիների ընթացքում վերածվել պետական քարոզչության և ինչ իրական նպատակներ են թաքնված դրանում։ Հաղորդման ընթացքում խոսում ենք «Արևմտյան Ադրբեջան» գաղափարի ձևավորման պատմության մասին, թե երբ և ինչ պայմաններում այն սկսեց շրջանառվել ադրբեջանական քաղաքական դաշտում։ Քննարկում ենք նաև «Մեծ Ադրբեջան» հայեցակարգային ծրագրի տրամաբանությունը, Խորհրդային Ադրբեջանում Հայաստանի վերաբերյալ տարածվող պատկերացումները և այն ձևակերպումները, որոնք տարիների ընթացքում հնչեցրել են Ադրբեջանի իշխանությունները՝ ներառյալ Սյունիքի, Սևանի և Երևանի հանդեպ հավակնությունները։ Առանձին անդրադարձ կա 2003 թվականից հետո Իլհամ Ալիևի հռետորաբանությանը, «Արևմտյան Ադրբեջան համայնքի» ստեղծմանը, Ադրբեջանի քարոզչական քաղաքականությանը և Արցախյան հարցի հետ դրա կապին։ Զրույցի ընթացքում փորձել ենք հասկանալ նաև, թե ինչու է Սյունիք-Զանգեզուրը դիտարկվում որպես այս ծրագրի առանցքային ուղղություն, ինչ դեր ունի Թուրքիա յի աջակցությունը և ինչ պատկերացում ունեն տարածաշրջանի ապագայի վերաբերյալ Ադրբեջանն ու Թուրքիան։ Այս թողարկումը փորձ է ոչ թե հույզերով, այլ փաստերով ու հայտարարություններով հասկանալու, թե ինչ գաղափարներ և քաղաքական մոտեցումներ են ձևավորվում մեր տարածաշրջանում, և ինչու է կարևոր ճանաչել դրանց իրական բովանդակությունը։ 00:00 - Անոնս 02:36 - Ի՞նչ է Արևմտյան Ադրբեջանը, և ե՞րբ է այն ծագել 03:36 - Հայեցակարգի տարածումը․ Հեյդար Ալիևի հայտարարությունը 08:59 - Մեծ Ադրբեջան հայեցակարգային ծրագիրը 12:41 - Ի՞նչ էին խոսում Խորհրդային Ադրբեջանում Հայաստանի մասին 13:16 - Կեղծ հիշողություն և վերադարձի նպատակը 15:21 - Սյունիքը, Սևանը և Երևանը՝ իբրև ադրբեջանական տարածքներ 17:21 - Ծրագրից դեպի իրականացում․ 300 հազար ադրբեջանցիներ 19:04 - Արևմտյան Ադրբեջան համայնքի բացումը․ Իլհամ Ալիևի ելույթը 20:21 - Ադրբեջանի քարոզչությունը և Արցախը 21:36 - 2023 թվականի նոր հայեցակարգը․ Ադրբեջանի պահանջները 24:37 - Իրական սպառնալիքը․ Զանգեզուրը՝ որպես ծրագրի իրականացման բանալի 26:26 - Թուրքիայի աջակցությունը Ադրբեջանի կեղծ պատմական ծրագրին 28:32 - Ճանաչենք Ադրբեջանի իրական դիրքորոշումները