પુત્ર વિયોગનો અંતિમ વિલાપ રાજા દશરથનો - રામ વિનાનો મારો રથડો - ઉષ્માબેન (કિર્તન લખેલું નીચે છે)

રામ વિનાનો મારો રથડો ઉભો ઉજ્જડ ગંગાજીને ઘાટ જો રામ વિનાનો મારો રથડો... દશરથજી ને ગઢપણ જોને આવિયા જોતા જોતા પુત્ર કેરી વાટ જો રામ વિનાનો મારો રથડો... પુત્રની આશાએ રાણી પરણીયા તોય ના આવ્યા મારા રામ જો રામ વિનાનો મારો રથડો... દશરથજીની આંખે વરસે આસુંડા મારે નથી પુત્ર કેરા સુખ જો રામ વિનાનો મારો રથડો... દશરથજી ગુરુના દ્વારે આવીયા કર જોડીને કરે છે અરજ જો રામ વિનાનો મારો રથડો... શૃંગીઋષિએ લેખ જગાડીયા માંડ્યા પુત્ર કામનાના હવન જો રામ વિનાનો મારો રથડો... યજ્ઞમાંથી અગ્નિ દેવ પ્રગટ્યા આપ્યા ચાર પુત્રના વરદાન જો રામ વિનાનો મારો રથડો... રામ લક્ષ્મણ ભરત શત્રુઘ્ન જનમિયા ચારેય દિકરા પ્રાણના આધાર જો રામ વિનાનો મારો રથડો... કૈકૈયમાંએ વરદાન એવા માગીયા મંથરાએ વાળ્યો છે કાંઈ દાટ જો રામ વિનાનો મારો રથડો... રામને વનવાસ એણે આપીયો ભરત માટે માગ્યા રાજપાટ જો રામ વિનાનો મારો રથડો... ચાર ચાર દિકરાને પાસે કોઈ નહિ બગડે રાજા દશરથજીના મોત રે રામ વિનાનો મારો રથડો... સુમંત રથ જોડી આવીયા રામ લક્ષ્મણ સીતા વનમાં જાય રે રામ વિનાનો મારો રથડો... દયા રે નો આવી ભાગ્યદેવને વેરણ વિધિ એ વાળ્યા વેર જો રામ વિનાનો મારો રથડો... સુમંતજી તો ખાલી રથે આવીયા રામ ગયા ગંગા સામે પાર જો રામ વિનાનો મારો રથડો... અવધમાં જઈ શું શું ઉત્તર આપશું રામ ગયા છે કેતા કાળો કેર જો રામ વિનાનો મારો રથડો... દશરથ કહે જીવીને શું કરું? રામ મારા પ્રાણનો આધાર જો રામ વિનાનો મારો રથડો... રામ રામ કરતા પ્રાણ છોડીયા રાજા દશરથજી નો ગયો જીવ જો રામ વિનાનો મારો રથડો... #Vasantben #કીર્તન #Vasantben_Nimavat #Gujarati_Kirtan #Gujarati_Traditional_Kirtan #Gujarati_Bhakti_Geet #Satsang_Kirtan #Bhajan_Kirtan #વસંતબેન #વસંતબેન_નિમાવત #સત્સંગ #ગુજરાતી_કીર્તન #ભક્તિ_સંગીત #Lilivav #લીલીવાવ