من سنة اميرة البيلي

قصيدة من سنة كلمات والقاء اميرة البيلى اشترك علي قناة اميرة البيلى من هنا : Subscribe To amira el bialy Channel https://www.youtube.com/c/amiraelbial... فعّل زر التنبيهات ( 🔔 ) علشان توصلك الفيديوهات الجديده على طول تابعوني علي تويتر: http://bit.ly/32Ccoul تابعوني علي فيسبوك: http://bit.ly/2KcJaMe Digital distribution by: MuzicUp MuzicUp powered by ArpuPlus Follow MuzicUp: https://www.muzicup.com/ YouTube: https://bit.ly/2I5Xsvc Facebook: https://bit.ly/2KGjRRj Instagram: https://bit.ly/2I2RxXE كلمات القصيده: من سنة مبقتش ابداً أنا .. مبقتش بعرف غير إني ابكي واكتب شِعر حبيت فلان من قلبي لكنه كان سني من سنه وكان صعب نتفاهم أو نتفق علي شئ .. قلبي الي كان بيضيق علي اي شئ غيره .. قلبه الي كان كداب زاد شره عن خيره .. مكسرش غير فيا .. فـ نزفت واستحلمت .. كملت .. فـ علاقة بتهد فيا بغِل .. أنا كنت حالفة ما أمل لكنه زودها .. ودوست علي حلمي علشانه ميت مرة .. تشوفه من برا تقول عليه " الله " .. ركز .. تلاقي سواد كل السواد جواه .. مقدرش اقول ولا شئ غير أنه خلاني مقولش عنه سوي : كان صعب واناني مسابش جوايا غير الوجع والخوف .. ولضمت جرحي بنفسي ونسيتله .. اديتله كل الحب والتقدير .. ومسابش فيا إلا حزن شديد .. ومسابش ليا إلا شرخ كبير .. واذاني واذيته مانا مش ملاك يعني .. وسيبته يوجعني ، فـ سيبته فـ الآخر .. كرهته مش هنكر ، وكرهني بالتأكيد كان نفسي اسيبه بدون ما اكون اضعف كان نفسي اعيش وأنا روحي دون تجاعيد .. كان نفسي اكون احسن ، كان نفسي يوم ما احزن الاقيني اقوي ورافضة للوحدة .. الساعة كانت وقتها واحدة : والليل طويل ودمه مش قابلاه .. فلقيتني بكتب جملة علي ورقة " أصعب مفر من الفراق معناه .. " ولجأت يومها لصوت الست والقهوة .. والقعدة ف البلكونة حتي الفجر .. وسجايري والتفكير والشعر كالمعتاد .. ببكي بأنين ف الليل واضحك ف وش الخلق طول اليوم بهرب كتير بالنوم ، والإندرال بالذات .. يومي الكئيب ديما ، خالي من اللذات .. أصبحت احد مدمنين البكا .. شرياني اصبح مجري للكافيين .. وأنا وحدي ساكت ، ساكت لوحدي حزين .. ومفيش لجرحي علاج .. دكتور نبيل أحد الأطباء النفسيين رفيق الفضفضة ليا .. الساعة كانت .. مش فاكرة كانت كام الدنيا كانت ليل ، وأنا روحت له يومها .. وحكيت كتير وياه بكلام مانيش فاكراه وحكاوي عن حزني ، فـ كتبلي فـ روشتة مهدئات ياما " وقالي دوامة وهتخرجي منها " صدقته .. مخرجتش السيرتو مش بيفيد .. الاكتئاب بيزيد .. وتحت عيني أسود .. الحزن بقي يسرد عن حالتي جوا الشِعر .. ومفيش سبيل للفضفضة إلاه .. وأبكي كتير لله .. وألعن كتير فـ الحزن .. احتاجت يومها لحضن أو طبطبة زايفة .. من أي ايد تتمدلي .. ملقيتش .. فـ لجات للعزلة وحلفت انسي ودخنت كل الذكريات والخوف عريت فـ وجعي للبشر اشعار .. وجعلت كل الحزن ع المكشوف فـ كتبت يومها كلام كتير وبكيت كان نص شعري واسمه " انا مليت " واخدت ركن من الجميع علشان .. كان صعب جدا اني ابقي تمام .. الفاتحة ع الي أذونا بوجودهم والفاتحة ع الي رمونا للكتمان .. الحب بحر غريق ، مش كل موجه امان .. مش معني أني عشان .. م اسكندرية هعوم وارد يكون الوز له ابن مش عوام .. وانا كنت واحد م الي واجب يغرقه .. ويل لكل الي استحل الجرح للي بيعشقه علشان اناني ساب ايديه فـ عز احتياجه واختفي .. ملعون ابوه هذا الدفي علشان بيجعل قلبنا ميخدش حذره من الي جي كل الي شاف الحب ضي اهو اتعمي الحب ايه غير ملحمة ؟ وإحنا الغلابة المهزومين طب انهي دين يشفعلكم علي جرح غيركم بالقوي .. دانا قلبي أصبح منطوي ومريض بوِحدة بتكسره .. كل الي جنبه بيخسره علشان ضعيف مش قدهم .. ذنبه الوحيد كان حُبهم ، علشان غبي ، مين يعني فينا كان نبي ؟ كل ابن آدم خطائين ، وانا غلطي عشمي فـ قربهم .. تباً لهذا الاحتياج ، بيهين في ناس ويذلهم .. وانا كنت بردوا فـ صفهم ، هما الي حطوني فـ خلاف .. واصروا اني علي اختلاف ، دانا عشت فيكوا سنين عجاف .. وشبعت كدب ومرمطة ، طب ليه الفراق !! طب ليه بنيتوا عهود وفاق ، كان ايه لزوم الاتفاق نفضل سوا ! سُحقاً لحبك لو دوا ، تأثير دواك الجانبي صابني بمرض ملهوش علاج .. تباً لهذا الاحتياج .. علشان حوجني إني اسامحك الف مرة بدون مبرر منطقي .. غميت عيوني عن عيوبك واكتفيت ، بميزة زايفة مؤقتة ان انت بيت ، وأنك امان ، كل الي كان بان انه زيف ورجعت صدقته .. الكل حذرني وبعدت فـ احتاجته ، انا حبي غلب وغلبي جُب وكل حُب دخلت فيه ، انا وحدي بس طلعت وحدي وقلبي يومها اتداس عليه #AmiraElBialy #اميره_البيلي #من_سنه