លោកសុក សំអឿន៖ រដ្ឋអាជ្ញាICCអាចកោះហៅមេដឹកនាំថៃទៅសាកសួរ បើសិនរកឃើញមានឧក្រិដ្ឋកម្មប្រឆាំងមនុស្សជាតិ

លោក អ៊ុំ សំអាន សមាជិកនៃរដ្ឋាភិបាលកម្ពុជាឯករាជ្យ ២៣តុលា នៅថ្ងៃសុក្រទី៣កក្កដានេះ បានលើកឡើងថា ក្រុមខ្លួននឹងស្នើឱ្យតុលាការព្រហ្មទណ្ឌអន្តរជាតិ (ICC) បើកការស៊ើបអង្កេត និងចោទប្រកាន់មេដឹកនាំថៃ និងមេយោធាថៃ ពីបទឧក្រិដ្ឋកម្មប្រឆាំងមនុស្សជាតិ ក្នុងជម្លោះព្រំដែនថៃ-កម្ពុជា។ គួរជ្រាបថា ក្រុមអ្នកនយោបាយក្រៅប្រទេសមួយនេះបានបញ្ជាក់ថា រដ្ឋអាជ្ញានៃតុលាការព្រហ្មទណ្ឌអន្តរជាតិ ICC បានកោះហៅអ្នកតំណាងរបស់ខ្លួន និងមេធាវីអន្តរជាតិឱ្យទៅជួបនៅទីស្នាក់ការតុលាការ ICC នៅចុងខែសីហា ឆ្នាំ២០២៦ ទាក់ទងទៅនឹងបណ្តឹងដែលក្នុងនោះ រដ្ឋាភិបាលកម្ពុជាឯករាជ្យ២៣តុលាប្តឹងមេដឹកនាំ និងមេយោធាថៃ។ តាមរយៈវិទ្យុបារាំងអន្តរជាតិRfi នៅល្ងាចថ្ងៃទី៣កក្កដានេះ លោក សុខ សំអឿន ទីប្រឹក្សាច្បាប់មេធាវីអមរិន្ទលើកឡើងថា រដ្ឋាភិបាលកម្ពុជាឯករាជ្យ ២៣តុលាអាចដាក់ពាក្យបណ្តឹងទៅកាន់តុលាការ ICC បាន ក្នុងនាមជាពលរដ្ឋ។ បើតាមមេធាវី សុក សំអឿន ក្រោយការពិនិត្យលើពាក្យបណ្តឹងរួច រដ្ឋអាជ្ញា ICC អាចនឹងកោះហៅមេដឹកនាំរបស់ថៃទៅសាកសួរ បើសិនរកឃើញឧក្រិដ្ឋកម្មប្រឆាំងមនុស្សជាតិ ក្នុងជម្លោះព្រំដែនជាមួយកម្ពុជា ពិតប្រាកដមែន។ 🔔 Please subscribe: https://rfi.my/YTkm 🌍 ទទួលព័ត៌មាននៅជុំវិញពិភពលោកដោយផ្ទាល់ https://www.rfi.fr/km/ ភ្ជាប់ជាមួយហ្វេសប៊ុករបស់យើង https://rfi.my/FBkm ទទួលព័ត៌មានពីយើងតាម X https://rfi.my/Xkm ទទួលព័ត៌មានតាមអ៊ីនស្តាក្រាម https://rfi.my/IGkm ទទួលព័ត៌មានតាមតេឡេក្រាម https://rfi.my/TGkm និង WhatsApp https://rfi.my/WAkm ទទួលព័ត៌មានតាមទិកតុក https://rfi.my/TKkm