Rezervat e banorëve të Bathores për ligjin e legalizimit të zonave informale-(6 Prill 2006)

Lajme Arkiva 2006 Banorët që kanë kryer ndërtime pa leje kanë sërish rezerva për ligjin e legalizimit dhe urbanizimit të zonave informale që u rivotua tri ditë më parë në parlamentin shqiptar. Ashtu sikurse dhe projektligji i miratuar në 16 Shkurt edhe pas ndryshimeve që iu bë ligjit të legalizimeve parashikohet që për ndërtimet që zejnë një sipërfaqe deri në 500 metra katrorë të paguhet rreth 400 mijë lekë dhe nëse trualli i zënë i kalon 500 metra katrorë atëherë duhet të paguhet me vlerën e tregut aktual. Po sipas vlerës së tregut aktual do të bëhet pagesa dhe për ndërtime të cilat shfrytëzohen për aktivitete fitimprurëse, por banorët e Bathores së njohur si kryeqendra e zonave informale, thonë se komuniteti i zonës është shumë i varfër dhe qeveria do t’ju lërë atyre një afat 10-vjeçar për të paguar detyrimet që kanë ndaj shtetit. “Kemi marrë vesh se bën fjalë për 500 metra katrorë dhe maksimumi 4 milion lekë të vjetra. Po t’i kërkojmë të jetë edhe hipoteka e shtëpisë në atë 500 metra katrorë të jetë me atë çmim dhe hipoteka e shtëpisë edhe afati i likuidimeve të jenë sa më gjatë duke parë që kjo popullsi tash sa ka fillu ekonominë e tregut edhe nuk është në gjendje që të bëjë likuidime për një periudhë të shkurtër.” “Jemi pjesërisht dakord, jo krejtësisht. Një milion këtej, 4 milion me 500 metra me të gjitha gjërat, me hipotekë me krejt edhe për një dhjetë vjeçare içik dikush më shpejt, dikush më vonë po kjo edhe mund të jetë e mundshme”. Por ligji në fjalë parashikon që brenda 31 Marsit të vitit 2007 me paratë e mbledhura nga banorët që do të kryejnë legalizimin e banesave pa leje të shpërblehen ish pronarët dhe pikërisht këtu duket se nis konflikti mes qeverisë dhe banorëve të zonave informale. Kryetari i bashkisë së Kamzës ku përfshihet zona e Bathores, por dhe gjashtë zona të tjera informale, thotë se në pjesën më të madhe banorët duket se janë të gatshëm të nisin procedurat për të legalizuar ndërtimet e tyre. “Deklarimet e tyre kanë shkuar në numrin 4700 të interesimit ose regjistrimi i qytetarëve, dmth, është pritur shumë mirë dhe do ketë zbatim patjetër”. Cani thotë se ka përfunduar tashmë procesi i verifikimit të banesave dhe menjëherë sapo ministria të dërgojë udhëzimet do të nisë dhe shpërndarja e formularëve të vetë deklarimit nga banorët./tvklan.al Gazetare: Elja Zotka SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/