Masakra e Mamurrasit, babai i viktimës: Falim gjakun nëse thoni të vërtetën (Pj.1)

"Me zemer te hapur" nga Evis Ahmeti ne News24 4 dhjetor, 2018 Masakra e Mamurrasit, babai i viktimës: Falim gjakun nëse thoni të vërtetën Pjesa 2    • "Në burg unë, ose prokurori", babai i vikt...   Masakra e Mamurrasit është rikthyer sot në emisionin ‘Me zemër të hapur’ të Evis Ahmetit. Emisioni u shoqërua me përplasje deklaratash dhe qëndrimesh lidhur me ngjarjen e rëndë që ndodhi tri vite më parë, ku pas një përplasje me armë u vra një person dhe u plagosën dy të tjerë. Ngjarja ndodhi në qendër të Mamurrasit, më 23 shtator të vitit 2015, ku mbeti i vrarë Naim Tafa dhe u plagosën rastësisht shtetasit Idriz Tafa dhe Altin Çoku. Teksa në studio motra e dy autorëve të ngjarjes, Tom dhe Enrik Mamli tregonte versionin e saj për krimin, pjesë e emisionit u bë edhe babai i viktimës, Idriz Tafa. Ky i fundit në një lidhje telefonike për emisionin pohoi se familja Mamli gënjen, ndërsa akuzoi dy autorët se ditën e krimit kishin dalë enkas për të vrarë fëmijët e tij. Po ashtu ai tha se pak pas vrasjes së djalit të tij, ai mbeti i plagosur në kokë. Mes të tjerash ai tha se me familjen e autorëve nuk ka punë, ndërsa i kërkoi motrës së tyre që të tregonte të vërtetën dhe pas kësaj do t’ja falte krimin. Më herët Valbona tha se familja e saj dhe ajo vet kishin marrë kërcënime nga familja e viktimës dhe se ata kishin frikën e hakmarrjes. “Ne qofte se shkel me në Mamurras do te zhdukim familjarisht”, u shpreh Valbona, teksa foli për kërcënimet e marra.