அமைச்சர்களை வரவேற்ற மேற்கு மாவட்ட செயலாளர் மதன் | மீனவர்களின் குறைகளை கேட்டறிந்த ஸ்ரீநாத், ராஜீவ்

ராமநாதபுரம் மாவட்டத்தில் மீனவர்களின் வாழ்வாதாரம், கடல்சார் பாதுகாப்பு மற்றும் மீன்பிடித் தொழில் தொடர்பான பிரச்சினைகளை ஆய்வு செய்வதற்காக மீன்வளம் மற்றும் மீனவர் நலத்துறை அமைச்சர் ஸ்ரீநாத் மற்றும் சுற்றுச்சூழல், காலநிலை மாற்றம் மற்றும் மாசுக்கட்டுப்பாட்டு வாரியத் துறை அமைச்சர் வி.கே. ராஜீவ் ஆகியோர் தங்கச்சிமடம், பாம்பன், ராமேஸ்வரம் மற்றும் மண்டபம் பகுதிகளுக்கு நேரில் சென்று மீனவர்களை சந்தித்து குறைகள் மற்றும் கோரிக்கைகளை கேட்டறிந்தனர். முன்னதாக அமைச்சர்களை ராமநாதபுரம் மேற்கு மாவட்ட கழக செயலாளர் மதன் மரியாதை நிமித்தமாக சந்தித்து வரவேற்றார். தொடர்ந்து மீனவர்களுடன் கலந்துரையாடிய அமைச்சர்கள், அவர்களின் வாழ்வாதாரம் மற்றும் மீன்பிடித் தொழில் தொடர்பான பல்வேறு கோரிக்கைகள் குறித்து கேட்டறிந்தனர். மேலும் மண்டபம் முனைக்காடு கடற்கரை பகுதியில் மீனவர்களுக்கு மானிய விலையில் வழங்கப்பட்ட கடற்பாசி வளர்ப்பு பணிகள் மற்றும் மீன் வளர்ப்பு திட்டங்களையும் நேரில் பார்வையிட்டு ஆய்வு செய்தனர். மீனவர்களின் வருமானத்தை அதிகரிக்கும் வகையில் இந்த திட்டங்கள் மேலும் விரிவுபடுத்தப்படும் என அமைச்சர்கள் தெரிவித்தனர். #dinabharath #Madan #Ramanathapuram #TVK #Srinath #VKRajeev #Rameswaram #Pamban #Mandapam #Fishermen #SeaweedFarming #FishFarming #TamilNews #BreakingNews #DinabharathNews