Top Channel/ Siguri maksimale për turizmin, policia prezanton planin veror me kontrolle të...

Policia e Shtetit prezantoi në Durrës masat për garantimin e rendit dhe sigurisë publike gjatë sezonit turistik 2026. Drejtori i Përgjithshëm i Policisë së Shtetit, Skender Hita, deklaroi se menaxhimi i sezonit veror mbetet prioritet absolut. Hita bëri të ditur se këtë sezon do të ketë masa të shtuara sigurie në zonat turistike, me patrullime në këmbë, me biçikleta, në det dhe monitorim nga ajri me dronë. Ai paralajmëroi kontrolle të pandërprera ndaj mjeteve lundruese dhe operatorëve ekonomikë që ushtrojnë aktivitet në bregdet. Ndryshe nga vitet e tjera, këtë sezon Njësia Policore Detare do të mbështetet në mënyrë të integruar edhe nga ajri, me monitorim përmes dronëve. Nuk do të tolerohet asnjë shkelje me mjete lundruese që rrezikon jetën e pushuesve. Kontrollet ndaj motorëve të ujit, skafeve dhe anijeve turistike do të jenë të rrepta dhe të pandërprera." Një nga risitë e këtij sezoni është përdorimi i tabletave të lidhura me sistemin TIMS, që do t'u mundësojnë efektivëve të kryejnë regjistrimin dhe verifikimin e mjeteve të huaja lundruese direkt në det, pa qenë nevoja që ato të paraqiten në pikat kufitare. Paralelisht, Policia do të intensifikojë kontrollet edhe ndaj ndotjes akustike, krimeve mjedisore dhe respektimit të rregullave nga subjektet që operojnë në zonat turistike. "Argëtimi i disave nuk mund dhe nuk duhet të prishë qetësinë e familjeve dhe rendin publik. Kontrollet ndaj subjekteve që gjenerojnë muzikë në zonat turistike do të jenë rutinë dhe të pandërprera. Po ashtu, verifikimet ndaj operatorëve ekonomikë do të zhvillohen 24 orë në 24." Drejtori i Policisë u bëri thirrje qytetarëve dhe turistëve të bashkëpunojnë me strukturat e rendit, duke raportuar çdo paligjshmëri apo rast që kërkon ndërhyrjen e policisë. Ai kërkoi gjithashtu përgjegjësi maksimale nga drejtuesit e mjeteve lundruese dhe angazhim të plotë nga efektivët në terren. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #PoliciaeShtetit#SkenderHita#TopChannelNews