Mahakama Kuu Yatupilia Mbali Kesi Mgawanyo wa Mali CHADEMA

Leo, Mei 28, 2026, Mahakama Kuu ya Tanzania Masjala Ndogo ya Dar-es Salaam imefuta kesi ya madai namba 8323/2025 iliyofunguliwa na Makamu Mwenyekiti mstaafu wa CHADEMA Zanzibar, Said Issa Mohamed, pamoja na wajumbe wawili wa Bodi ya Wadhamini kutoka Zanzibar, Ahmed Rashid Khamis na Maulida Anna Komu. Wadai walidai kwamba ugawaji wa fedha, mali na rasilimali kwa ajili ya shughuli za kisiasa na kiutawala kati ya Tanzania Bara na Zanzibar uliofanywa na Bodi ya Wadhamini wa CHADEMA ulikuwa kinyume cha sheria na batili. Kesi hiyo ilisababisha Mahakama Kuu kuweka zuio la matumizi ya rasilimali za chama, ikiwemo ofisi na magari, tangu Juni 2025. Kufutwa kwa kesi hiyo pia kunamaanisha kwamba Mwenyekiti wa Chama hicho Tundu Lissu, aliyekuwa amewasilisha maombi ya kujumuishwa katika kesi hiyo akisema ana maslahi ya moja kwa moja kama kiongozi wa chama, naye hatahitajika tena kufika mahakamani kwa ajili ya shauri hilo. Unaweza kutufuatilia kupitia; TWITTER:   / thechanzo   INSTAGRAM:   / thechanzo   FACEBOOK:   / thechanzo   TIKTOK: https://www.tiktok.com/@thechanzo?is_... Au tembelea tovuti yetu: https://www.thechanzo.com Kutuunga mkono: https://thechanzo.com/support/ Je, una habari? wasiliana nasi kupitia Telegram/WhatsApp +255 753 815 105 The Chanzo 2026 © All Rights Reserved.