شيلة يبطون كلمات محمد السكران و آداء ظافر الحبابي

شيلة يبطون كلمات : محمد السكران آداء : ظافر الحبابي لتحميل mp3 : http://d.top4top.net/m_366kp0s71.mp3 يا اللي مع المفرق الغربي تمرّونه يا حظكم فيه يوم إنْكم تشوفونه قولوا له العمر يركض، والزمن يجري لا يحسب الناس، والدنيا على هونه علمي به العام يوم إن جونا صافي قبل يجي جونا ناسٍ يحوسونه سروا به بموترٍ شكمانه يهيّض لا واحلالاة يا قضبة دركسونه يا زين مسرىً معه في ليلةٍ قمرا على ظهر لكسزٍ يعجبك طبلونه يا اهل السواليف؛ مادري عن سوالفكم فيني من الضيق شيءٍ ما تحسّونه . واللي تعلّق بواحدْ ما درى عنّه يا عزّتي له وكان الله في عونه يجيب طاريه متقصّد ومتعمّد لعلّه يطيح في ناسٍ يعرفونه واللي يحبّونه أهملهم، وخلّاهم حتى خسرك، وخسر ناسٍ يحبّونه وحيد.. والوحدة أصعبْ شيء في الدنيا تكرّه الشخص في نفسه، وفي كونه لا صار مديون همّ، وفاقدٍ غالي بالله يا ناس كيف يسدّد ديونه دايم يقولون: عقب الشينة الزينة وأنا تعبت انتظر شيءٍ يقولونه والله مابي منه شيء إنْ كانه مقفّي ما غير أبدري عقب فرقاي: وش لونه إن كانّه بخير، قلت: الله يسهّل له ماني بقايل: عساها تدمع عيونه وإن عاش من دوني الله يحفظه، لكن المشكلة صدق "كيف أعيش من دونه تكفون ياللي تجونه من يبشّرني عساه ما زال رقمي في تلفونه أبيه يذكرني ليا جيت في باله إني تحدّيت كل الناس لعيونه دلّة مشاعرك ما فاحت، ولا صبّت عط الملاهيف فنجالٍ يذوقونه الحب ما حرّمه ربّي ولا ذمه ما ادري ورى الناس والعالم يذمونه سويت لك شيء لو تزهم به اخوانك يبطون يبطون والله ما يسوونه