Kapen trafikantët e armëve, dy të rinjve u sekuestrohen katër pistoleta - Vizion Plus

Subscribe: https://bit.ly/vizionplustv Web: http://www.vizionplus.tv Facebook:   / vizionplustv   Twitter:   / vizionplustv   Instagram:   / vizionplustv   TikTok:   / vizionplustv   Një tjetër operacion është finalizuar nga blutë e Tiranës kundër trafikimit të armëve të zjarrit. Në pamje duket momenti kur agjentët e policisë arrestojnë dy të rinjë në aksin rrugor Qafë Kashar-Rinas. Në pranga përfunduan Arbër Hasa 19 vjeç dhe Joldi Peca 20 vjeç të cilët në momentin e arrestimit po udhëtonin me një mjet tip Benz. Pas kontrollit të automjetit policia u gjeti atyre 4 pistoleta dhe 1 armë të ftohtë. Pistoletat ishin fshehur në një çantë krahu, në një qese të futura në kuti. Pas arrestimit të dy të rinjve, policia kreu kontrolle edhe në banesën e shokut të tyre, ku 49-vjeçarit i gjetën 1 dorezë metalike dhe 1 shkop gome, për të cilat u procedua penalisht në gjendje të lirë. Sipas policisë, pistoletat do të modifikoheshin me silenciator dhe më pas do u shiteshin grupeve kriminale ku çmimi i tyre varionte nga 2000 deri në 3000 euro. Burimet shtojnë se armët janë trafikuar nga Kosova, Madje ka dyshime se dy të rinjtë kanë sjellë armë dhe herë të tjera. Ky nuk është rasti i parë për këtë vit që policia e Tiranës godet rastet e trafikimit të armëve nga Kosova në vendin tonë, ku pjesa më e madhe e tyre futen nga Morina përmes linjave të autobusëve ose me taksi./vizionplus.tv