Memerimar at Sergio, ikakasal na sa Sabado?! | It's Showtime | July 15, 2026

Nakisalo sa FUNanghalian si Kapamilya crooner TJ Monterde, na naghain ng full serving of love and kilig sa live performance ng "Teka Lang." Kumatok din sa pintuan ng "It's Showtime" at may pasalubong na good vibes ang Thai content creator na si Aon Somrutai, na kilala sa linyang, “Thank you, Kateyki!” at first time pa lang bumisita sa Pilipinas pero feeling at home na sa init ng pagtanggap sa kanya. Say hello sa tatlo nating bisita na mga Miss Q&A kandidata—sina Salva Sosing, Fantasia Rapido, at Carla Tamayo. Speed lang dapat! Kaya si Vice Ganda, para bang nagmamdaling tapusin na ang laban! Pero maya-maya pa, nag-enjoy sa kuwentuhan with the candidates at sa nanay ni Fantasia. Napunta naman ang usapan sa topic ng 'pagbo-bloom' at 'heartbreak' dahil sa mga karanasan ni Carla. Pati si Brent Manalo, nag-open up tungkol sa masakit na aral na natutunan ng puso niya. Unang nakapasok sa WIT LANG round si Carla, na nabunot ang tanong na, "Magagalit ka ba sa kalase mong tamad, eh sabi niya, wala naman siyang ginagawa?" Sinagot naman ni Fantasia ang, "Anong mararamdaman mo kung namatay ka sa gutom pero ang daming pagkain sa lamay mo?" Napansin ni hurado Marina Summers na para bang favorite ng langit si Carla, na soft girl na matalino pa! Si Carla nga ang itinanghal na Miss Q&A Talak-Era of the day. Kapag kumatok ang swerte, aba'y huwag nang magpatumpik-tumpik pa, buksan mo na! Sinalubong ng mga taga-Paso de Blas, Valenzuela ang luck nila sa Laro Laro Pick game arena. Paganda nang paganda ang mga eksena sa trending teleserye on noontime, ang Memerimar. Sa Episode 6, nag-propose na si Sergio (Vhong Navarro) kay Memerimar (Vice Ganda). At sa iba pang mga eksena, ang haba ng hair ni Jackie Gonzaga! Pinag-agawan ba naman nina Darren Espanto at Brent Manalo—sino kaya ang panalo sa kanyang puso? Kinilala naman ng hosts si Bok, na ang ibig sabihin ng pangalan ay "Be Okay." Talagang okay na okay dahil sa jackPOT round, si Bok ang umabante! #ShowtimeShulak #ItsShowtimeFullEpisode #ABSCBNEntertainment