Mein Ne Masoom Baharon Mein | Mast Nazron se | Remix Poetry | Nusrat Fateh Ali Khan | Lyrical Video

Lyrics Mein ne masoom baharon mein tumhein dekha hai Mein ne pur noor sitaron mein tumhein dekha hai Mere mehboob teri parda nasheeni ki kasam Mein ne ashkon ki qataron mein tumhein dekha hai Koi bhi waqt ho hans kar guzar leta hun Khiza ke daur mein ahd e bahar leta hun Gulon se rang sitaron se roshni lekar Jamal e yar ka naqsha utar leta hun Ye jo deewane se do char nazar ate hein In mein kuch sahab e asrar nazar ate hein Teri mehfil ka bharam rakhte hein sojate hein Warna ye tou bedar nazar ate hein Mere daman mein to kanton se siva kuch bhi nahi Ap tou phoolon ke kharidar nazar ate hein Hashar mein Hasheir mein kon gawahi meri dega sagar Sab tumhare hi tarafdar nazar ate hein Mein fasane talash karta hoon Aap unwan dhoond kar laen Ao wada kashon ki basti se Chand insan dhoond kar laen Aj roothe huwe sajan ko buhat yad kiya Apne ujre huwe gulshan ko buhat yad kiya Jab kabhi gardish e taqdeer ne ghera hai hamein Gesooey yar ki uljhan ko buhat yad kiya Umar jalwon mein basar ho ye zaroori to nahi Har shab e gham ki sahar ho ye zaroori to nahi Neend tou dard ke bistar pe bhi asakti hai Teri agosh mein sar ho ye zaroori tou nahi Aag ko khel patangon ne samjh rakha hai Sab ko anjam ka dar ho ye zaroori to nahi Sheikh karta hai jo masjid mein khuda ko sajde Iske sajdon asar ho ye zaroori tou nahi Sab ki saqi pe nazar ho Sab ki saqi pe nazar ho ye zaroori hai magar Sab pe saqi ki nazar ho ye zoroori to nahi ✌️