كيف تعيش أجواء رمضان في أيام الحظر

ازاي هنقضي رمضان السنة دي وازاي هيكون له طعم من غير مساجد بعد غلقها بسبب كورونا ؟ هل هيضيع رمضان في أيام الحظر المملة ؟ خلينا نفكر بره الصندوق ونقول إن رمضان السنة دي هيكون أفضل رمضان مر علينا في حياتنا ، إن شاء الله ـــــــــــــــــــــــــــــــــــــــــــــــــــــــــــ تابعونا من خلال الروابط التالية :   / kalematube     / ismail.neamatallah     / ismailnematalla   ـــــــــــــــــــــــــــــــــــــــــــــــــــــــــــ رمضان السنة دي غير أي رمضان لأنه جاي في وقت صعب جدا كل دول العالم بتعاني من أزمة كورونا والمساجد مغلقة والجمع لاتقام وصدر قرارات بمنع صلاة التراويح في المساجد وإجراءات احترازية مشددة في معظم الدول العربية والإسلامية ، الحاجات دي مجتمعة خلت كتير مننا يحس إن رمضان مش هيبقى له طعم وانه هيضيع في أيام الحظر المملة ، لكن خلينا نفكر بره الصندوق ونقول إن رمضان السنة دي هيكون أفضل رمضان مر علينا في حياتنا ، إن شاء الله = ازاي ياعم انت مبتشوفش ولا ايه ؟ دا اللي ميشوفش م الغربال يبقى أعمى ياجدع ؟ طب بس اسمع ومتبقاش مستعجل ع طول كده ياعماد = قول وسمعني دلوقتي رمضان جاي والحظر مفروض وانت مأنتخ في البيت لاوراك شغلة ولا مشغلة صح ؟ صح = كل السنين اللي فاتت كان يومك في رمضان بيخلص مابين الشغل وطلبات البيت والسهرة مع العيلة أو الصحاب والقعاد ع القهوة ، كان بينتهي يومك من غير أي إنجاز أخروي يذكر أما دلوقتي حضرتك لافي شغل ولا قهوة ولا لف ف الشوارع ولا أي حاجة يبقى فرصة دي ولا مش فرصة ههههههههههه فرصة ! انت ناسي اني مشترك في نتفليكس ومعنديش أي وقت خالص ؟! ياراجل دا أنا لسه مخلصتش الجزء الرابع من مسلسل لا كاسا دي بابيل la casa de papel ياجدع بقولك رمضان وفرصة ومش عارف ايه وانت تقولي لا كاسا دي بابيل la casa de papel وبعدين انت من امتى بتسمع أسباني دا انت بتقرأ العربي بالعافية ياعماد للأسف الباطل بيحاصرنا من كل اتجاه ونقيب الممثلين قالك مستمرين في العمل على مسلسلات رمضان رغم الكورونا لأن قدرنا ان احنا نحارب عشان نسعد الناس ، أفلام على مسلسلات على مسرحيات ، تلفزيون او شبكات إنتاج زي نتفيلكس وغيرها كلها هدفها انها تسرق عمرك وتضيع وقتك فيما لايفيد ده طبعا لو غضينا النظر عن انها بتشحن رصيد سيئاتك أصلا من اللي بتشوفه فيها من مشاهد الاسفاف والفجور وترسيخ قيم الشذوذ والانحلال الأخلاقي فعلا والله دا أنا مغفل كبير أوي دا المسلسل اللي أنا متابعه مليان ( **) طب والحل ؟ شوف ياعماد أول خطوة تاخدها في الكام يوم اللي باقيين على رمضان انك تتخلص من متابعة المسلسلات والتعلق بيها وضياع الوقت عليها حلو ؟ = حلو وبعدين حط في اعتبارك ان كانت المساجد مقفولة فربنا جعل لأمتنا الأرض كلها مساجد ، خصص مكان في بيتك واجمع أهلك وصلي بيهم الصلوات المفروضة والتراويح في البيت = حلو الجو الأسري الجميل ده وأهو بعد التراويح نكمل جو الأسرة الجميل ده ونقعد نتفرج على مسلسل مع بعض -.. = في ايه ياعم هو انت رجعي ومتشدد ولا ايه ماهو ساعة لقلبك وساعة لربك ياجدع ، الله طب بص ياصاحبي ، لو واحد هدومه اتوسخت ووداها المغسلة غسلها وكواها وظبتها وأول ما استلمها من المغسلة بصلها كده نظرة إعجاب وقال الله دي نضفت وبقت جميلة أوي وراح راميها في الأرض وقعد يدوس عليها برجله ده تقول عليه ايه ؟ = هو في حد يعمل كده ؟! ده مجنون ده ولا ايه ؟ ماهو انت يتعمل كده ياصاحبي بتغسل قلبك من المعاصي بالطاعة وتروح توسخه بعدها على طول بالمعصية والمشاهد اللي مترضيش ربنا = طب أنا بصراحة اقتنعت بكلامك وناوي إن شاء الله استغل رمضان كويس ، بس مش عارف أعمل ايه ؟ بص هو الحاجات الي ممكن تعملها كتير جدا لدرجة إن مش هقدر أحصرها في فيديو زي ده لكن خليني أحط لك نقاط رئيسية وانت عدل فيها على حسب اللي يناسبك ، 1- حاول قدر المستطاع يكون لك خطة مكتوبة لان كتابتك للأهداف بيضمن تحقيق جزء كبير منها 2- ابدأ الشهر بتوبة صادقة ونية صيام الشهر كامل وعدد في نوايا أعمال الخير اللي انت مخطط تعملها عشان مجرد تعديدك للنية بتاخد عليه أجر حتى لو معملتهاش 3- وزع جهدك على أنواع العبادة المختلفة عشان متصابش بالملل والفتور وخلي النصيب الأكبر من الوقت والجهد للعبادة القريبة لقلبك 4- حاول يكون لك مع أسرتك يوميا بعد صلاة التراويح في البيت قيمة معينة تتناقشوا فيها ولو مفيش حد عنده المهارة دي ممكن تسمعوا فيديو بيتكلم عن القيمة دي مع بعض من أي شيخ انتوا بتفضلوه ويفضل يكون ليكم مقرأة للقرآن ولو قدر بسيط وانتوا متجمعين كده . 5- لو كنت من أهل الإحسان وبتعمل موائد فطبعا الموائد اتلغت السنة دي فخليك عارف إن الإحسان متعدد الأشكال استبدل الموائد بمساعدات عينية أو مادية على حسب المناسب ليك وقدمها للمستحقين 6- الدعاء والذكر سلاحك خاصة وقت الفتور عن الأعمال اللي بتتطلب جهد بدني فشغل لسانك وعوده على الذكر . 7- ارصد عيب معين او ذنب معين بتقع فيه واجتهد انك تتخلص منه في شهر رمضان دي نقاط سريعة قابلة للتعديل والتطوير على حسب ظروف كل واحد أتمنى انها تكون أفادتكم ، وفي النهاية اعملوا لايك للفيديو وشير عشان نساعد أكبر عدد من الناس في الاستفادة وشاركونا في الكومنتات بخطتكم لشهر رمضان واشتركوا في القناة وفعلوا زر الجرس عشان يوصلكم فديوهاتنا أول بأول وكل عام وأنتم بخير ، سلام عليكم #استعداد #رمضان #الحظر ـــــــــــــــــــــــــــــ رمضان كريم,رمضان جانا,رمضان,كرونا,هيروح كرونا ويجي رمضان,ماهر زين,أغاني رمضان,أناشيد رمضان,مرحب شهر الصوم,أهو جه ياولاد,مسحراتي,شهر رمضان,أجواء رمضان,فطار,سحور,ليالي رمضان,مسلسلات رمضان,الاستعداد لرمضان,شهر القرآن,رمضان 2020,رمضان يجمعنا,رمضان رمضان,رمضان ياحبيب,رمضان يدنو,رمضان يقربنا,رمضان يوم ايه,رمضان صبحي,رمضان احلى مع,رمضان البرنس,رمضان احلى مع اسماء