巨塔之后丨與陳煒被組成另類CP 宣萱稱難忍偷瞄對方性感造型

巨塔之后丨與陳煒被組成另類CP 宣萱稱難忍偷瞄對方性感造型 台慶劇《巨塔之后》踏入結局周，劇中人物嘅恩怨情仇都進入白熱化，死對頭宣萱同陳煒喺劇中鬥到難分難解，但劇外兩人就非常合拍，仲畀網民塑造成另類情侶檔，就連一齊接受訪問時，都要合體擺出高難度心心。宣萱就話未試過拍一套劇，兩個喺劇中係對敵，但就相當得觀眾歡心，笑言以往對敵嘅角色最多就係傳不和嘅新聞，但就今竟然係傳出兩人恩愛嘅新聞，令宣萱覺得相當新奇，而陳煒就話好需要開續集畀佢哋延續下去。 提到陳煒喺劇中不斷換衫，但套套都頗為緊身，性感得嚟又突顯身材，身邊嘅宣萱對此亦十分認同，仲話每次見到陳煒，自己對眼都會忍唔住向下瞄一眼。陳煒都話自己喺劇中嘅衣着，特別係做主席時都會變得相當性感，宣萱就講笑言想以此裝扮嚟令大家投陳煒一票。 呢日係劇集最後一次舉行宣傳活動，詹天文同呂喬恩都專程到場獻唱劇集歌，除咗主要演員都有出席外，就連特別演出嘅湯鎮業同馬國明都歸隊，不過二人出席完活動，隨即就要離港繼續其他工作。雖然佢哋私底下係親戚，但劇中兩人就連一場對手戲都冇，令馬明話相當遺憾，而湯鎮業就話希望下一部戲可以同馬明有對手戲。 陳展鵬同劉佩玥喺劇中飾演舊情人，兩人默契十足，就連佢兩個私下嘅輩份亦越嚟越接近，事緣係有好多觀眾同小演員都話睇住展鵬同阿Moon嘅戲長大，令展鵬笑言阿Moon升咗輩份，而阿Moon就話自己終於明白當年佢同胡定欣講，自己睇對方嘅戲長大時，定欣嘅心情呀。 提起早前同太太結婚7周年時所影嘅美照，展鵬就話係佢嘅主意，佢仲同大家分享影呢輯相嘅idea由來。 #巨塔之后 #台慶劇 #宣萱 #陳煒 #陳展鵬 #劉佩玥 #湯鎮業 #馬國明 #另類CP #性感 #突顯身材 #詹天文 #呂喬恩 #親戚 #輩份 #胡定欣 #睇你嘅戲大 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0