فيات برافا 🇮🇹 | بسعر تحت ال 150 الف 🔥 للايطاليه - مراجعه شامله مميزات وعيوب . FIAT BRAVA .

فيات برافا - من سلسله سيارات #فيات هنتكلم عن سياره جديده #سوق_السيارات ك #سيارات_مستعمله ضمن سيارات اقل من ٢٠٠ الف ومتنساش تتابع #بيجو #لادا #سيتروين #فورد #دايو من اكثر الشركات شعبيه و انتشار في هي شركه فيات وكل موديل ينزل من فيات للسوق كان بيتميز بالاقتصاديه و السعر المقبول عشان كدا ركز معايا لاني هكلمك بأستفاضه عن فيات برافا فيات برافا بتنزل كسياره متوسطه الحجم مع تصميم عصري و مميز ف من الجزئ الامامي العربيه بتيحي بكشافات مدمجه مع الكبوت عشان تبقي جزئ متناسق مع الواجهه الاماميه و في المنتصف شبك التهويه مع الاربع شرط المايلين وال بيرمزو لشركه فيات اما الجنبين مفهمش خطوط تماما غير خط واحد اسفل الاوكر و اعلي صدادات الحمايه وبتمتد بطول العربيه طبع مع فليشر جانبي و مساحات زجاجيه كبيره اما الجزئ الخلفي فمن رأيي مميز جدا ومختلف ومتناسق مع الشكل العام للعربيه خاصه بالكشافات ال بتييجي بشكل منفصل ل ٣ اجزاء و دا في حد ذاته متكررش في عربيه تانيه بنفس التصميم وفي المنتصف كشاف استوب بعرض العربيه وعامه الجزئ الخلفي بيلخبط.ناس كتير لان في ناس بتصنف العربيه بأنها سيدان و ناس تلنيه بتصنفها هاتش باك لكن من رأيي العربيه دي كومباكت . التصميم الداخلي البرافا بتوفر مساحات داخليه واسعه ودا ال هتلاقيه في مساحه الكراسي الداخليه سواء في الكنبه الخلفيه او المقاعد الاماميه دا مع تابلوه عصري جدا بفتحات تكييف في اماكن مختلفه وزراير تحكم كتير واعلاهم الساوند سيستم اما لوحه العدادات بتيجي قدام الدريكسيون بشكل مباشر مع التصميم المميز لفيات برافا اهتمت شركه فيات بالتجهيزات الاساسيه وتجهيزات تانيه اضافيه فالعربيه كانت بتيجي بسنتر لوك وتكييف وازاز كهربا وساوند سيستم وباور اما التجهيزات الاضافيه كانت بتتمثل في الايرباجات و الفرش الجلد و امكانيه التحكم في كرسي السائق بفرايتي كتيره يعني ممكن تعلي الكرسي وتوطيه وتحدد اتجاهها والبعد عشان توصل لاريح اسلوب قياده دا مع abs و esp و ديفوجر ال وظيفته يسخن الازاز عشان يزيل الشبوره والتجهيزات ووسائل الامان ال ذكرتهالك كانت بتختلف علي حسب الفئه و سنه الاصدار و الدوله المستورده البرافا اتبنت علي هيكل ميكانيكي متواضع يناسب قتصاديه العربيه فالعربيه كانت بتيجي ب ٣ انواع موتور ١٢٠٠ و ١٤٠٠ و ١٦٠٠ cc دا مع فتيس مانويل ٥ سرعات وفتيس تاني ٦ سرعات علي حسب الموديل و الفئه ال نزلت في مصر مميزات فيات برافا كانت متعدده وممكن تقول انها ميزت العربيه بشكل كبير وقت صدورها فأول ميزه الاقتصاديه العربيه اقتصاديه بشكل كبير ف استهلاك البنزين خاصه مع مواتير الانجكشن يعني كانت وال تقيريبا بيقدر بمعدل من ٧ ل ١٠ لتر لكل ١٠٠ ك تاني ميزه الصيانه صيانتها سهله ومش معده ودا لان القطع الميكانيكيه ليها متشابهه مع عربيات كتير من فيات . تالت ميزه التجهيزات و وسائل الامان ودي جزئئه خلت البرافا مختلفه بشكل كبير جدا خاصه انها كانت ممكن تميزها عن عربيات تانيه من نفس الفئه السعريه وكلمت عن التجهيزات ووسائل الامات بالتفصيل رابع ميزه التصميم تصميم البرافا من رأيي اهم ميزه في العربيه دا غير ان مع التعديل ممكن تخلي العربيه في حته تانيه خالص خاصه وان شكلها رياضي و هجومي خامس ميزه مساحات التخزين والمساحات الداخليه فمن خلال المقاعد الخلفيه والمساحات الواسعه جوا العربيه فالبرافا تستوعب ل ٤ او ٥ افراد بشكل وقريبه بشكل كبير للعائليه لكن في نقطه بسيطه هقولك عليها في العيوب . سادس ميزه تجربه سحب العربيه واستجابتها السريعه مع دواسه البنزين بالنسبه للموتور يعنبر ميزه ودا بسبب كذا عيب اول عيب الاعتماديه فيات برافا علي قدر قوه مواتيرها الا انها ممكن متكنش اعتماديه معاك مع الاستهلاك الكتير وقله الاعتماديه هنا هتظهر مع وجود مشاكل ميكانيكيه او في نظام الكهربا عشان كدا لازم تتابع صيانتها بشكل دوري . تاني عيب جوده خامات التقفيل و التصنيع مع الوقت وارد تلاحظ بشكل كبير مشكل في الخامات المصنعه خاصه مع البلاستيك في اجزاء العربيه و نفس النظام في التقفيل فلو مشيت في طرق مكسره كتير هتلاقي اصوات وعيوب ابتدت تظهر معاك . تالت عيب استهلاك النزين فبرغم اني ذكرتلك ان استهلاك البنزين ميزه فيها لكن دا ميزه في بعض الموديلات وموديلات تانيه خاصه لو بتيجي بمواتير كاربيراتير استهلاك البنزين فيها عالي دا غير ان تكلفه التشغيل و الصيانه ليها ممكن يبقي اغلي من عربيات تانيه في نفس الفئه السعريه . رابع عيب قطع غيارها قطع غيارها مش متوفره بشكل كبير لكنها بتقبل قطع غيار بديله من فيات سيينا وتمبرا وبونتو . خامس عيب تجربه القياده مع ميزه سحب العربيه واستجابه الموتور المناسبه مع الفتيس و السرعات الا انك هتواجه مشكله في تجربه القياده وهي ان مع السرعات وارد الاتزان يبقي ضعيف ودا لان العربيه عاليه ومبنيه علي قاعده عجلات مش متناسقه مع ابعادها عشان كدا انصحك لو هتشتريها خليك في المعقول ومتزودش عن ١٠٠ . لكن بشكل عام المشكله دي تقدر تحلها بسهوله مع تظبيت الجنط او تعديل المساعدين لكن في مركز متخصص بالتعديل مش مكان تاني اما بقي بالنسبه لتجربه القياده داخل الشوارع الضيقه وجوا المدينه مع النقر و المطبات فللاسف العربيه مش مناسبه تماما لان عفشتها بتتأثر بشكل كبير بعيوب الطريق. سادس عيب مساحات التخزين العربيه برغم اتساع المساحه الداخليه الا انك هتقابل مشكله في مساحات التخزين خاصه لو معاك عيله وحابب تحط شنط في العربيه ودا لان العربيه مدمجه وشنطتها صغيره بالنسبه لحجمها اخر عيب اعاده البيع فيات برافا منتشرتش في مصر بشكل كبير ودا ال اثر علي شعبيتها و مبيعاتها ودا برغم انها ممكن تكون افضل من سيارات تانيه من فيات اعلي منها في المبيعات . سعر فيات تمبرا في الوقت ال احنا فيه يعتبر مناسب ومقبول لناس كتير في الفئه الاقتصاديه لكن لو عايز تشتريها