Նայեաց սիրով
Նայեաց սիրով, Հայրդ գթած, Ի քո ստեղծեալ գործս ձեռաց. Եւ զբանակս հրեշտակաց Տուր պահապան մեզ տկարացս, Փրկեա զանձինս ի փորձանաց, Ի խաւարի շրջող դիւաց. Զի ի տուընջեան և գիշերի Տացուք քեզ փառս անլռելի: Էին անեղ, անսկզբան` Ծնունդ անճառ Որդի և Բան. Որ արարեր զտիւ գործոյ Եւ զգիշեր ի հանգիստ քնոյ. Տուր ի ննջել` աչաց մարմնոյ, Արթուն լինել մեզ ըստ հոգւոյ. Զի ի տուընջեան և գիշերի Տացուք քեզ փառս անլռելի: Րաբուն հոգւոց բանաւորաց, Աղբիւր լուսոյ, բաշխող շնորհաց. Ի փակիլ դրանց բնութեանց մարմնոց, Լոյս տուր աչաց սրտից մերոց. Ի գիշերաց առ քեզ կանխել, Ընդ հրեղինացն օրհնաբանել. Զի ի տուընջեան և գիշերի Տացուք քեզ փառս անլռելի: Սուրբդ սրբոց Երրորդութիւն, ԶՄեզ մաքրեա քեզ բնակութիւն. Շնորհեա ընդ մանկանցն առագաստի Հանգչիլ ընդ քեզ ի յանկողնի. Տուր զհայցուած բարեկամին զՓոխ երից նկանակին. Զի ի տուընջեան և գիշերի Տացուք քեզ փառս անլռելի: Երևելի լոյս ստեղծեր, զՏիւ և զգիշեր բաժանեցեր. Ծագեա մեզ. Տէ՜ր, ի գիշերի զճառագայթս իմանալի. Տուր յամենայն ժամանակի զՊահպանող աջ քո հովանի. Զի ի տուընջեան և գիշերի Տացուք քեզ փառս անլռելի: Սիրոյ քո հուր արկեալ յերկիր` Բորբոքեսցի ի հոգիս մեր. զԽորհուրդ սրտից մեր մաքրեսցէ` զԼոյս գիտութեան քո փայլեսցէ. Ի քնոյ մահու զմեզ զարթուսցէ, զՄիտս բոցով քո վառեսցէ. Զի ի տուընջեան և գիշերի Տացուք քեզ փառս անլռելի: Ի քեզ նայիմք, լոյսդ անմատոյց, Ի զգայական ծածկեալ լուսոյ. Որ վասն մեր եդար ի գբի Եւ ննջեցեր ի տապանի. Առ մեզ ննջեա արթուն բնութիւն, Հերքեա զչարին ներգործութիւն. Զի ի տուընջեան և գիշերի Տացուք քեզ փառս անլռելի: Էիդ լուսոյ անստուերի Պաղատանօք կամք առաջի. Որ փակեալ դրամբք յերեկօյին Երևեցար մետասանին. Ընդ Թովմայի առ քեզ կոչեմք, Տէր և Աստուած, զքեզ դաւանեմք. Է՜ջ և առ մեզ յերեկոյիս, Եւ տուր զողջոյն քո ի հոգիս: Րամեալքս զքեզ, Տէր, աղաչեմք, Մեզ յօգնութիւն նայեա, հայցեմք. Պահապանդ Իսրայէլի, Անձանց մերոց լեր հովանի. Օթեա առ մեզ, խաղաղարար, Զի ննջեսցուք անխռովաբար. Եւ ընդ առաւօտս կանխեսցուք, Օրհնել զքեզ`ընդ Հօր հոգւով: Գոչման փողոյն Գաբրիէլի, Որ ի վերջնումն գիշերի, Լսել արա զմեզ արժանի, Եւ յաջակողմն օդեաց դասի` Անշէջ վառեալ զլոյս լապտերաց, Ըստ իմաստուն հինգ կուսանաց. Զի ընդ փեսայիդ ի յառագաստ` Հարսունք հոգւով մտցուք ի փառս: հալածեա ի մէնջ, Տէր, նշանաւ Խաչի քո զընդիմամարտ եւ զաներեւոյթ գազանն, եւ մի տար յապականութիւն զքո ժառանգութիւնս: Բարեխօսեա՛ վասն մեր, Աստուածածին Մարիամ, որ ծնար զտէր Աստուած, որ հոուէրըն զԻսրայէլ, ամենազօր եւ սքանչելի փառօքն իւրովք:
Գիշերային ժամերգություն
Եկմալեան Պատարագ
Господе Исусе Христе, Сине Божији, помилуј ме грешног
Փառք քեզ Տէր Աստուած մեր. Արտակ սրկ. Ղևոնդյան
Տէր ողորմեա՜ 🙏🏻🙏🏻🙏🏻 Կոմիտաս
Աղոթք / Սուրբ Իսահակ Ասորի/ Զրույց Աստծո հետ
ПСАЛТИР Пресветој Богородици. PSALTIR Presvetoj Bogorodici
Հասմիկ Հարությունյան. Կոմիտաս - ՏԵՐ Ողորմեա
Ի քէն հայցեմք
Անեծք
Andre - Amen. Hayr Surb // Ամէն. Հայր Սուրբ
Նայեաց սիրով
Pojanje za smirenja uma i duše (Monahinje manastira Žiča)
ՍՈՒՐԲ ԳՐԻԳՈՐ ՆԱՐԵԿԱՑՈՒ ԲՈՒԺԻՉ ԱՂՈԹՔՆԵՐԸ
Զորավոր աղոթք ընդդեմ դևերի և գիշերային արհավիրքների
1 Hour Of Armenian Apostolic Church Hymns
Ամեն Հայր Սուրբ, Որդիդ Սուրբ, Հոգիդ Սուրբ։ Տեր Վարազդատ #քահանա Սուրբ Աննա #եկեղեցի ։ Amen Gayr Surb
Բժշկութեան Աղօթք եւ «Տէր Ողորմեա»: Մաշտոց Չոպանեան եւ Խորէն Արք. Տողրամաճեան 18 Մայիս May 18 2020
Աղոթք: Սուրբ Իսահակ Ասորի - Զրույց Աստծո հետ
