ARININ SİRRİ (099-3400450) - TOVUZ rayonu

Tovuz rayonunda uğurla fəaliyyət göstərən, özünün arıçılıq təsərrüfatında yeni metodlardan istifadə etməklə yüksək məhsuldarlığa nail olmuş Xəyal Qarayev penoporistirol arı yeşiklərinin üstünlüklərindən və öz təsərrüfatında istifadə etdiyi yeni metodlardan bəhs edir. Verilişdə Azərbaycanda ilk dəfə penoporistirol arı yeşiklərindən istifadə edən Tovuz Arıçılar Birliyinin sədri Qabil Hacıyev bu tip arı yeşiklərindən istifadənin xüsusiyyətlərindən danışır. "Yuva-m" penoporistirol arı pətəkləri şirkətinin rəhbəri kimi Qəzənfər Yusifov nəinki Azərbaycanda, hətta yaxın xarici ölkələrdə belə ilk dəfə olaraq yeni növ arı yeşiklərinin - penoporistiroldan olan arı yeşiklərinin istehsalçısı kimi arıçılığın inkişafına necə töhfə verdikləri haqqında öz mülahizələri ilə bölüşür. Verilişdə həmçinin Azərbaycanın ikinci böyük şəhəri olan qədim Gəncədə fəaliyyət göstərən "Gülüstan" Sağlamlıq Mərkəzinin fəaliyyəti haqqında məlumat verilir. Bu mərkəzin baş həkimi, həkim nevropatoloq Könül Ağayev nevroloji xəstəliklər, həmçinin onurğa və oynaq xəstəliklərinə qarşı yeni müalicə metodlarından danışır və peşəkar apiterapevt kimi təbii arı məhsullarından istifdə etməklə elmi əsaslar üzərində müxtəlif xəstəliklərə qarşı uğurlu müalicə üsullarından bəhs edir.