Issues of the current generation - Tejal Shah

મણકો# 283 તા-1-2-2026 ગુજરાતી સાહિત્ય ફોરમ આયોજિત વક્તવ્યના વક્તા હતા તેજલ શાહ. તેમણે આજની પેઢીની સમસ્યા પર વક્તવ્ય દરમિયાન પ્રકાશ ફેંક્યો. આજની પેઢીના મોટાભાગના યુવાન - યુવતીઓ અભ્યાસ પછી તેમની શૈક્ષણિક લાયકાત પ્રમાણે કારકિર્દી બનાવવામાં વ્યસ્ત હોય છે જેથી લગ્ન મોડા કરે છે. બંને જણા carrier oriented હોવાથી બાળકો માટે પણ તરત ઉત્સાહી નથી હોતા પરિણામે બાળકો મોડા જન્મે છે. હવે બાળક આવતાં જ બધું જ ધ્યાન બાળક તરફ કેન્દ્રિત થાય છે. બંને નોકરીકરતાં હોવાથી પૈસાની છૂટ હોય તેથી બાળક માટે બધું જ બેસ્ટ ને Branded કપડાં , રમકડાં વિ. પૂરાપાડે છે. બાળકની આસપાસ માતા, પિતા , દાદા, દાદી કે આયા અચૂક હોય છે તેને એકલું નથી મૂકતા એટલે જરા રડે તો તરત જ જોઇતી વસ્તુ હાજર કરી દે છે જેથી બાળક જિદ્દી થઇ જાય છે. નર્સરી પછી પહેલાં ધોરણમાં જતા ત્યારે નવા વાતાવરણ , નવા લોકો સાથે એડજસ્ટ થવાનું હોય , ઘર જેવી સુવિધા શાળામાં નથી હોતી, સ્કુલ બસ કે શાળામાં બીજા બાળકો દ્વારા તેનીરૂપ, રંગ કે દેખાવને આધારે પજવણી થાય છે. હવે જ્યારે તે માબાપ સાથે પોતાની સાથે થતી પજવણીની વાત કરશે ત્યારે માતાપિતા જે પ્રતિક્રિયા આપે તે પ્રમાણે તેનું ઘડતર થાય છે. ઘરમાં હંમેશા બાળપણથી જ માતાપિતા દરેક ક્ષેત્રે આગળ રહે તે માટે દબાણ કરતાંહોય છે. એમનું બાળક સુપર છે બીજાં કરતાં ચડિયાતું છે તેવો આડંબર રાખી બાળકના મનમાં પણ તે બીજાં કરતાં હોશિયાર છે તેવા બીજનું રોપણ કરે છે. પોતાનું ધાર્યું કરવાની વૃત્તિથી આગળ જતાં ખૂબ ખરાબ પરિણામ આવેછે. ક્યારેક પંદર સોળ વર્ષે depression માં આપઘાત પણ કરે છે. તેજલબહેન કેટલાંક સત્ય કિસ્સા પણ કહ્યા. તેમાં સાયબર બુલીંગ થી થતી પજવણી સૌથી ખતરનાક હોય છે તેના પરિણામો પણ દાખલા આપી શ્રોતાજનોને જણાવ્યા. વારંવાર મિત્રો દ્વારા થતી પજવણીમાં મોટેભાગે ઇર્ષા હોય છે. ઘણીવાર ચાર, પાંચ છોકરીઓનું ગ્રુપ હોય, કોઇને ઘરે માતાપિતા કડક હોય ફેસબુક કે ઇન્સ્ટાગ્રામ વાપરવાની છૂટ ના હોય તો તે છોકરી હાંસીપાત્ર બને છે. આખરે તેની માનસિક સ્થિતિ જોતાં માતા પિતા તેને થોડી! છૂટ આપે છે.ડીજીટલ યુગના ફાયદા સાથે ગેરફાયદા પણ ઘણાં છે. Social bullying ને લીધે માનસિક સમસ્યા પણ યુવાનીમાં ડગ માંડતા યુવક-યુવતીઓમાં જોવા મળે છે.Depression માં મન દુ:ખી હોવાને કારણે શારિરીક સમસ્યા પણ શરુ થાય છે. ઘણીવાર સાયકો થેરેપી ને કાઉન્સિલ ની વાત થાય, બાળકને સારું પણ થઇ જાય પણ બાળક ઘણીવાર જાહેરમાં પોતાનો મત જણાવી નથી શકતો ને પરિસ્થિતિ સામે લડી નથી શકતો, તેથી સતત એક ભય કે તણાવની લાગણી અનુભવે છે. તેજલબહેને બાળકોની શૈક્ષણિક, માનસિક ને સામાજિક સમસ્યા વિશે કેટલાંક ઉદાહરણ આપી શ્રોતાજનોને સમજાવ્યું. આજની પેઢી આ સમસ્યાનો સામનો કરતી હોય ત્યારે માતા-પિતા કે નજીકની વ્યક્તિ નો support ને તેમનું guidance ખૂબજ મહત્વનો ભાગ ભજવે છે.તેની ચર્ચા ફરી ક્યારેક કહેતા તેજલબહેને પોતાનું વક્તવ્ય પૂરું કર્યું. આપનો ખૂબ ખૂબ આભાર તેજલબહેન કોકિલા બહેન અને તેમના પરિવારનાસભ્યોનો ખૂબ ખૂબ આભાર . —— સ્વાતિ દેસાઇ