Google Maps zbuloi depon e armëve, lokalizimi u bë bazuar në dëshminë e Enver Jamakut

#oranews Baza e fundit e armëve dhe municionit e cila u zbulua nga SPAK në Tiranë është identifikuar përmes hartës së Google në internet. Ka qenë pikërisht teknologjia që i ka ndihmuar hetuesit që përmes dëshmisë së të penduarit, Enver Jamaku, të lokalizonin zonën ku mbahej depoja me armë, snajperë, municione dhe lëndë eksplozive që përdoreshin nga grupi i akuzuar për tri atentate me pagesë. Teknologjia duket se u ka ardhur në ndihmë hetuesve për të zbuluar bazën e armëve dhe municionit në zonën e Kinostudios, e cila dyshohet se është përdorur nga grupi i 9 personave të arrestuar për vrasje me pagesë. Nëpërmjet platformës Google i arrestuari për atentatin e mbetur në tentativë ndaj Gjon Menës më 9 shkurt në Kamëz, Enver Jamaku, që tashmë është bërë bashkëpuntori i drejtësisë, ka ndihmuar policinë në gjetjen e depos së armëve në ish- ndërmarrjen “Migjeni”. Hetuesit kishin ndërmarrë një operacion për gjetjen e armëve dhe municioneve pak kohë më parë dhe nuk është arritur në rezultat, dhe për këtë ata e kanë marrë sërisht në pyetje Enver Jamakun, ku ky i funidt u ka kërkuar hetueve një telefon ku ka kërkuar nje aplikacion në mënyrë që të orientonte grupin hetimor në shenjën dalluese që tregonte Google Maps. Në dëshminë e tij Jamaku ka treguar edhe vendin sekret ku mbaheshin armët. Para prokurorëve ai është shprehur së duhej të ndërhyhej në muret e objektit, pasi ka qenë vetë ai që i ka ndërtuar më qëllim fshehjen e tyre. I arrestuari ka treguar se në këtë vend vetëm ai kishte dërguar rreth 70 armë të ndyshme, ku më pas grupi kriminal i shiste ato tek grupe kriminale apo persona të ndyshëm. Pas këtij rrëfimi të Enver Jamakut, hetuesit janë rikthyer te magazina, ku puna filloi me shëmbjen e mureve ashtu siç ua kishte shpjeguar Enver Jamaku, duke zbuluar depon e madhe të armëve. Si pronar të magazinës, policia akuzon Sokol Xhurën, i cili është shpallur në kërkim, edhe pse rezulton se ndodhet jashtë Shqipërisë prej më shumë se 1 viti. Burimet nga Prokuroria e Posaçme thonë se dëshmia e Enver Jamakut mund të zbardhë disa ngjarjeve të tjera, të cilat janë në hetim. Follow TV Ora dhe RTV Ora News Subscribe To "Ora News" on YouTube Channel for NEWS HERE: http://bit.ly/2DDddtL Subscribe To "Ora News" on YouTube Channel for TV Shows HERE http://bit.ly/2sPcqj3 For more content from click HERE www.oranews.tv Like Ora News on Facebook HERE http://bit.ly/2RkUN4s Follow Ora News on Instagram Here http://bit.ly/2HBuiID Follow Ora News on Twitter http://bit.ly/2RhOaQp