Əli Mirəliyev & Ruhəngiz Musəvi – Deyərmi ("Evləri köndələn yar" k/f-dən). AzTVR arxivi. 1987-ci il.

sözləri: Vaqif Səmədoğlu musiqisi: Emin Sabitoğlu müşayiət edir: Azərbaycan Televiziyası və Radiosunun Əhsən Dadaşov adına “Xatirə” Xalq Çalğı Alətləri Ansamblı, bədii rəhbər Adil Bağırov, 1987-ci il I Quşlar bağça-bağa girməzdən qabaq, Bağbana elçilər heç göndərərmi? Bənövşələr dağda boyun bükəndə, Dumana elçilər heç göndərərmi? Nəqarət: Göy çəmənə yağış yağanda səhər, Otlara, güllərə yağım deyərmi? Ay işığı al yanağa düşəndə, Qara gözlərinə baxım deyərmi? Deyərmi, deyərmi, Qara gözlərinə baxım deyərmi? II Qışı əridəndə hər yanda Günəş, Gəlim, ya gəlməyim soruşmaz bahar. Çiçək nəfəsiylə, körpə səsiylə, Gülüm, ya gülməyim soruşmaz bahar. Nəqarət: Göy çəmənə yağış yağanda səhər, Otlara, güllərə yağım deyərmi? Ay işığı al yanağa düşəndə, Qara gözlərinə baxım deyərmi? Deyərmi, deyərmi, Qara gözlərinə baxım deyərmi?