Balkanda býujetçilerden bank kartlaryny täzelemek talap edilýär

Azatlyk Radiosynyň Telegram hasabyna ýazylyň https://t.me/azatlykradiosy Şu günki programmamyzda: Ahal welaýatynyň Tejen etrabynda ýaşaýan öňki harby gullukçylaryň birnäçesi ýerli habarçymyz bilen duşuşyp, özleriniň hereket azatlyklarynyň çäklendirilýändigini, beýleki raýatlar ýaly, kanun esasynda daşary ýurtlara gidip, gazanç etmek, maşgala eklemek mümkinçiliklerinden mahrum edilýändiklerini gürrüň berdiler. Ýurt içinde eklenç etmek mümkinçiligini tapmadyk raýatlar öz seslerini eşitdirmek isleýändiklerini aýdýarlar. Balkanyň edara-kärhanalarynda ähli işgärlerden aýlyk zähmet haklary geçirilýän bank hasaplaryna degişli plastik bank kartlaryny täzelemek talap edilýär. Ýerli resmiler munuň sebäbini bank kartlarynyň “häzirki talaby ödemeýändigi” bilen düşündirýärler. Ukrainanyň prezidenti Wolodymyr Zelenski saýlawlaryň geçirilmegi mümkinçiligi barada ýurduň parlamentiniň agzalary bilen “mazmunly gürrüň” geçirendigini aýtdy. Bu Birleşen Ştatlaryň uruş dowam edýän mahaly hem ses berişligi geçirmäge basyş edýän wagtyna gabat geldi. Habarlaşmak üçin: • Whatsapp: +420 724 168 989 we +420 773 797 383 • Telegram: @Azathabar #habarlar