Katta imtihon: siz qaysi tomonda bo’lasiz?

Tasavvur qiling, 4-sinfni tugatgan farzandingiz 3 kundan keyin Prezident maktablari imtihoniga kirmoqchi. Imtihondan oldin juda hayajonlanyapti. Lekin siz bilib turibsiz, u imtihonda eng zo‘ri bo‘la olmaydi, chunki undan kuchlilar juda ko‘p. ✅ Ammo, o‘z navbatida, farzandingiz ham aqlsiz va savodsiz emas. Sinfida eng zo‘ri, maktabida TOP-5 o‘quvchidan biri, qo‘shnilar farzandingizga havas qiladi, qaniydi mening bolam ham shunaqa bo‘lsa, deb orzu qiladi. 🤔Shunaqa paytda Siz ota-ona sifatida nima qilasiz? Farzandingiz hayotidagi birinchi eng katta imtihonga kirishidan oldin unga nima deysiz: dalda berasizmi yoki xatolarini yuziga solib, tanqid qilasizmi? ❓Nima demoqchiman? ⚽️Futbol bo'yicha milliy terma jamoamizni tarixiy ilk Jahon chempionati kutib turibdi. Bu — ular uchun ham, biz uchun ham katta imtihon. 🔹Yigitlarimiz hayajonda, ularga bizning daldamiz suv va havodek zarur; 🔹Hozir xatolarni sanaydigan, kimnidir yomonlaydigan vaqt emas; 🔹Barcha tahlil va tanqidlarni Mundial tugaganidan keyinga qoldiraylik. 🤝 Tez kunda madhiyamiz jahon maydonlarida yangraydi. Keling, shu tarixiy onlarda jamoamiz bilan birga bo'laylik. 🇺🇿 Olg'a, O'zbekiston! 👏 Alloh yigitlarimizning omadini bersin, ilohim! Biz duodamiz🤲