შეიარაღებული პირები შეუვარდნენ

კახეთის საინფორმაციო ცენტრი | www.ick.ge - ყვარლის რაიონის სოფელ თხილისწყაროში „ქართული ოცნების" მხარდამჭერთა სახლებში 10 სექტემბერს, შეიარაღებული პირები შეიჭრნენ. „ღამის 2 საათი იყო. გადმოხტნენ დაკეტილ კარებზე. ხუთნი იყვნენ. იარაღები ჰქონდათ. ერთ--ერთი ლოგინში ავტომატით დამადგა და მეუბნება, რა იყო, რა მოწყვეტით წახვედით სოფლიდანო", -- იხსენებს ელზა ტიღაშვილი კახეთის საინფორმაციო ცენტრთან საუბარში. ის და მისი თანასოფლელები 9 სექტემბერს, თელავში, „ქართული ოცნების" აქციაზე იმყოფებოდნენ.