ಮಾದರಿ ಅಡಿಕೆ ಕೃಷಿಕ, 12,500 ಅಡಿಕೆ ಗಿಡಗಳನ್ನು ಹಾಕಿ ಕೃಷಿ ಕಾಯಕದಲ್ಲಿ ಕೆದ್ದಳಿಕೆ ಶ್ರೀ ಗಣೇಶ ಭಟ್ ವಿಶೇಷ ಸಂದರ್ಶನ

ಬಂಟ್ವಾಳ ತಾಲೂಕಿನ ಕಾವಳಪಡೂರು ಕೆದ್ದಳಿಕೆ ನಿವಾಸಿ ಶ್ರೀ ಗಣೇಶ ಭಟ್ ಅಡಿಕೆ ಕಾಳುಮೆಣಸು ಕೃಷಿಕ. ಬಿಬಿಎಂ ಪದವಿ ಶಿಕ್ಷಣದ ಬಳಿಕ ನೇರವಾಗಿ ಕೃಷಿಯತ್ತ ಮುಖ ಮಾಡಿ ಸುಮಾರು 25 ಎಕರೆಗಳಲ್ಲಿ 12,500 ಅಡಿಕೆ ಗಿಡಗಳನ್ನು ಹಾಕಿ ಸ್ವಾವಲಂಬಿ ಮಾದರಿ ಕೃಷಿಕರಾಗಿದ್ದಾರೆ. ತಾನು ಕೃಷಿಕ ನಾಗಿರುವ ಜತೆಗೆ ಇತರರನ್ನು ಕೃಷಿಕ ರನ್ನಾಗಿ ಮಾಡುವ ಪ್ರೇರಣಾದಾಯಕ ಕಾಯಕದಲ್ಲಿ ತನ್ನನ್ನು ತಾನು ತೊಡಗಿಸಿಕೊಂಡಿದ್ದಾರೆ. ಇವರ ಕೃಷಿ ತೋಟದಲ್ಲಿ ಒಮ್ಮೆ ತಿರುಗಾಡಿ ಬಂದರೆ ಸಾಕು ತಾನು ಕೃಷಿಕ ನಾಗುವ ಎಂಬ ಹಂಬಲ ಉಂಟಾಗುತ್ತದೆ. ಕಾರಣ ಇವರ ಸರಳ ಕೃಷಿ ತಂತ್ರಜ್ಞಾನದ ಜೊತೆಗೆ ಇತರರಿಗೂ ತನ್ನ ಅನುಭವವನ್ನು ಹಂಚಿಕೊಳ್ಳುವ ರೀತಿ, ತನ್ನ ಸ್ವಂತ ಅನುಭವದಲ್ಲಿ ಕೃಷಿ ಕಾಯಕದಲ್ಲಿ ಪ್ರಯೋಗಾತ್ಮಕವಾಗಿ ತನ್ನನ್ನು ತಾನು ತೊಡಗಿಸಿಕೊಂಡಿದ್ದಾರೆ. ಕೃಷಿಗೆ ಸಮತೋಲನ ಗೊಬ್ಬರ ನೀಡುವುದಕ್ಕಾಗಿ ರಸಗೊಬ್ಬರಗಳ ವಿತರಕರು ಆಗಿದ್ದಾರೆ. ತನ್ನ ಸ್ವಂತಕ್ಕೆ ಗೊಬ್ಬರಗಳನ್ನು ಬಳಸುವುದರ ಜೊತೆಗೆ ಇತರರಿಗೂ ಮಾರ್ಗದರ್ಶನ ನೀಡಿ ಗೊಬ್ಬರ ಬಳಕೆಯ ವಿಧಾನವನ್ನು ತಿಳಿಸಿಕೊಡುತ್ತಾರೆ. ಹೀಗೆ ಕೃಷಿಯಲ್ಲಿ ತಾನು ಬೆಳೆಯುವುದರ ಜೊತೆಗೆ ಇತರರನ್ನು ಪ್ರೇರಣಾದಾಯಕ ವಾಗಿ ಸಲಹೆ ಸೂಚನೆಗಳನ್ನು ನೀಡಿ ಕೃಷಿಯಲ್ಲಿ ಮುಂದುವರಿಯುವಂತೆ ಮಾಡಿದ್ದಾರೆ.