Dakika 10 za Rais wa CWT Leah Ulaya aomba vyombo vya Serikali viache kuingilia vikao vya walimu

Rais wa Chama cha Walimu Tanzania (CWT) Leah Ulaya amevitaka vyombo vingine vya Serikali kuacha kuingilia mambo ya chama hicho na wakiache kisimame chenyewe. Ulaya ametoa kauli hiyo leo Jumatatu Septemba 25,2023 wakati akifungua kikao cha dharura cha Baraza Kuu la CWT ambapo ametaka viongozi wa chama hicho ngazi ya mikoa kukataa kuingiliwa na mamlaka zingine. Kauli ya kiongozi huyo imetolewa saa chache baada ya vuta nivute iliyotokana na Polisi kuzuia mkutano huo kwa walichosema kuna maelekezo kutoka viongozi wa juu. Polisi walifunga lango la kuingia katika ofisi za CWT makao makuu zoezi lililodumu kwa saa 1.20 kabla ya kupatikana kwa muafaka na kuruhusiwa waendelee na kikao.