اقتصاد: افغانستان ته د ايرانيو تومنو او پاکستانيو کلدارو پر وروړلو بنديز څه اغېز لرلی شي؟

د طالبانو حکومت تر ادارې لاندې د افغانستان بانک افغانستان ته د ایرانيو تومانو او پاکستانيو کلدارو پر وروړلو بندیز ولګاوه دغه بانک ویلي، د دې پرېکړې موخه د افغانيو ارزښت ساتنه ده او له سوداګرو، صرافانو، ترانسپورتي شرکتونو او عامو مسافرو یې غوښتي چې افغانستان ته د دغو بهرنیو پيسو له لېږده ډډه وکړي. د افغانستان بانک تر دې وړاندې هم د بهرنیو اسعارو پر ځای باید په کورنیو بازارونو کې د افغانۍ کارولو امر کړی و. خو اوس د افغانستان بانک کې یوې سرچینې بي‌بي‌سي ته ویلي، دا نوی بندیز تر ډېره له ایرانيو تومانو سره تړاو لري او د امریکا او ایران ترمنځ له هوکړې مخکې، ډېرو کسانو په دې هیله تومان افغانستان ته راوړل او ټولول چې ګوندې د هوکړې له اعلان وروسته به د دغو پيسو ارزښت لوړ شي او دوی به ترې مالي ګټه ترلاسه کړي. سرچینه زیاتوي له همدې امله افغانستان کې د ایرانيو پیسو کچه یو څه لوړه شوې وه، چې ښايي پر ارزښت او نرخ یې اغېز کړی وي. نجما ځلا دا او د سود او سودا بېلابېل خبرونه د دې اوونۍ "اقتصاد" ګڼه کې راغونډ کړي دي. #BBCPashto #BBCPashtoTV #BBCNarayDaWakht Subscribe for more videos: https://www.youtube.com/c/BBCPashto?s... Youtube:    / @bbcpashto   Like us on Facebook:   / bbcpashto   Follow us on Twitter:   / bbcpashto   Instagram:   / bbcpashto