Daloy ng impeachment trial laban kay VP Sara Duterte | One Balita Pilipinas

Sa panayam ng #OneBalitaPilipinas kay Constitutional Law book author at law professor Atty. Jennifer Arlene Reyes, hinimok niya ang Senate Impeachment Court na linawin na sa unang araw pa lang kung ano ang gagamiting interpretasyon sa two-thirds threshold para sa botohan, lalo pa't tatlong senador na ang hindi makadadalo sa paglilitis. Ayon kay Reyes, bagamat nakasanayan ang 16-member threshold mula sa 24 na senador, mas magiging logical at patas para sa magkabilang panig kung ibabase na lamang ang two-thirds sa bilang ng mga senador na "actually present at functioning" sa trial. Narito pa ang ilang highlights mula sa panayam: Preliminary matters tulad ng appearance ng mga abogado at opening statements, aasahan sa unang araw Ang paglilitis at pagpapasok ng ebidensya ay gagawin nang paisa-isang artikulo, ngunit tatapusin muna ang lahat ng apat na articles bago ang botohan Kung sakaling ma-convict si VP Sara sa kahit isang artikulo pa lamang, wala nang pangangailangang talakayin o botohan ang mga natitirang reklamo Impeachment trial, dapat pa ring ituloy ng Senado kahit pa mag-resign sa puwesto ang Bise Presidente upang matiyak ang pananagutan Conviction sa impeachment, hindi discretionary at dapat na awtomatikong may kaakibat na perpetual absolute disqualification sa paghawak ng pampublikong posisyon Ang impeachment ay hindi isang criminal o civil proceeding; maaari pa ring sampahan ng hiwalay na mga kaso sa regular na hukuman ang isang opisyal kahit pa ma-acquit ito sa impeachment court Follow us for the latest news and public service information! One PH Facebook:   / onephoncignal   TikTok:   / oneph_cignal   One News Facebook:   / onenewsph   Instagram:   / 1newsph   TikTok:   / onenewsph   Subscribe to the One PH channel and click the bell icon:    / @onephoncignal   #News #Balita #LiveNewsTodayPhilippinesOnePH