zilqad ka mahina | zilqad ki fazilat | اشھر حرم اور اشھر حج | ماہ ذیقعدہ کے فضائل ،مسائل ،رسومات

ماہ ذیقعدہ کے فضائل ،مسائل، رسومات ،بدعات و منکرات zilqad ka mahina zilqad ki fazilat ماہ ذیقعدہ اسلامی سال کا شوال کے بعد آنے والا گیارہواں قمری مہینہ ہے۔ ذیقعدہ کے نام کی لغوی تحقیق: اس مہینے کو عربی میں " ذوالقعدہ " یا " ذی القعدہ " کہا جاتا ہے۔ ذوالقعدہ یہ دو لفظوں کا مجموعہ ہے۔(1) ذو (2) القعدہ "ذو" کا معنی اردو میں "والے" کے آتے ہیں اور " قعدة" کے معنی بیٹھنے کے آتے ہیں۔ "ذیقعدہ" کو ذیقعدہ کہنے کی وجہ: زمانہ جاہلیت میں اہلِ عرب اس مہینے میں جنگ و جدال کو حرام سمجھتے تھے اور اسلحہ رکھ دیتے تھے، کوئی کسی کو قتل نہیں کرتا تھا، حتی کہ باپ، بیٹے کے قاتل کو بھی اس مہینہ میں کچھ نہیں کہا جاتا تھا، چونکہ وہ لوگ اس مہینے میں قتل و قتال سے الگ تھلک ہو کر بیٹھ جایا کرتے تھے، اس لئے اس مہینہ کا نام "ذو القعدہ" یعنی بیٹھنے والا مہینہ رکھا گیا۔ فضائلِ ذیقعدہ: 1۔ ذیقعدہ چار عظمت والے مہینوں میں سے ہے: ذیقعدہ کا مہینہ ان چار مہینوں میں سے ہے، جن کو اللہ تعالی نے "اشہُر حُرُم" یعنی حرمت والے مہینے قرار دیا ہے۔ سورة توبہ میں اللہ تعالی کا ارشاد ہے: حقیقت یہ ہے کہ اللہ تعالیٰ کے نزدیک مہینوں کی تعداد بارہ مہینے ہے۔ جو اللہ کی کتاب (یعنی لوح محفوظ) کے مطابق اس دن سے نافذ چلی آتی ہے، جس دن اللہ نے آسمانوں اور زمین کو پیدا کیا تھا۔ ان (بارہ مہینوں) میں سے چار حرمت والے مہینے ہیں۔(آسان ترجمۂ قرآن، مفتی محمد تقی عثمانی