Duraj: Pastrimi i parave nuk luftohet vetëm nga noterët, por nga i gjithë zinxhiri i institucioneve

Deklaratat e bëra në Komisionin për Çështjet Ligjore nga një deputet i Partisë Demokratike, sipas të cilave noterët janë pjesë e skemave të pastrimit të parave, veçanërisht në sektorin e ndërtimit, kanë rikthyer në vëmendje rolin e këtij profesioni në zbatimin e legjislacionit kundër pastrimit të parave. I ftuar në MCN TV, avokati Alban Duraj u shpreh se nuk është hera e parë që ngrihen shqetësime të tilla, duke kujtuar se raste të ngjashme janë denoncuar më parë edhe nga institucionet përgjegjëse për parandalimin e pastrimit të parave. Duraj theksoi se ligji u ngarkon noterëve detyrime të qarta për raportimin e transaksioneve të dyshimta, ndërsa pranoi se jo të gjithë e kanë zbatuar këtë detyrim. Kronikat e ditës dhe ekskluzive nga MCN LIVE.#MCNTV #MCN #News