ლომი კლეოპატრას ვეტერინარული პროცედურა თბილისის ზოოპარკში

კლეოპატრას ბრჭყალი ჩაბრუნებული ჰქონდა, რაც ძლიერ ტკივილს იწვევდა, რის გამოც ვეტერინარების ჩარევა გახდა აუცილებელი. პროცედურის ჩასატარებლად ლომი ნარკოზით დააძინეს. მსგავსი მანიპულაცია საკმაოდ მტკივნეულია, ამიტომ აუცილებელია ცხოველი ღრმა ნარკოზში იმყოფებოდეს, რათა სტრესი და ტკივილი მაქსიმალურად შემცირდეს. თბილისის ზოოპარკის ვეტერინარი, სანდრო ბაგათელია, განმარტავს, რომ ლომების შემთხვევაში იგივე ტიპის პრეპარატები გამოიყენება, რაც კატებსა და ძაღლებში, თუმცა დოზირება განსხვავებულია. მისი თქმით, „უსაფრთხო დაძინების“ პერიოდი — ანუ დრო, როდესაც ვეტერინარს შეუძლია ცხოველთან უსაფრთხოდ მიახლოება და პროცედურის ჩატარება — დაახლოებით საათნახევარია, ხოლო ნარკოზის სრული ეფექტი შესაძლოა 4 საათამდე გაგრძელდეს, რადგან გამოყენებული პრეპარატებიდან ერთ-ერთი ორგანიზმში სწორედ ამ ხნის განმავლობაში რჩება. კლეოპატრა ზოოპარკის ერთ-ერთი ყველაზე მშვიდი და ადამიანებთან შეგუებული ლომია, რაც მნიშვნელოვნად ამარტივებს როგორც მის ყოველდღიურ მოვლას, ისე ვეტერინარული პროცედურებისთვის მომზადებას. მტაცებელ-პრიმატების განყოფილების უფროსი, თამთა აფრიდონიძე, აღნიშნავს, რომ ბრჭყალის ჩაბრუნება ტყვეობაში მყოფ ცხოველებში საკმაოდ გავრცელებული პრობლემაა. ბუნებრივ გარემოში ცხოველები ბრჭყალებს აქტიურად იცვითებენ — ნადირობის, გადაადგილებისა და გარემოსთან მუდმივი კონტაქტის შედეგად, ხოლო ზოოპარკში ეს პროცესი ნაკლებად ინტენსიურია. შედეგად, ბრჭყალი შესაძლოა ზედმეტად გაიზარდოს და ჩაბრუნდეს, რაც ტკივილსა და ანთებას იწვევს. მსგავსი შემთხვევები დაფიქსირებულა სხვა მტაცებლებშიც — ლომებში, ვეფხვებსა და ლეოპარდებში, ასევე ხშირია ჩლიქოსნებში. დროული ვეტერინარული ჩარევა ასეთ დროს განსაკუთრებით მნიშვნელოვანია, რათა თავიდან იქნას აცილებული ინფექცია, კოჭლობა და ცხოველის ზოგადი მდგომარეობის გაუარესება. --------------------------------------------------------------------------------------- 🎙 Correle Carna - Cumbia Deli Youtube library -Youtube Studio ---------------------------------------------------- ჯემნიუსი გიყვებათ ახალ ამბებს და ისტორიებს კავკასიიდან. ეს არის მედია-პლატფორმა, რომელიც აერთიანებს კავკასიის სხვადასხვა რეგიონში მცხოვრებ პროფესიონალ ჟურნალისტებს, მოქალაქე-რეპორტიორებს და ექსპერტებს. ვებგვერდი - www.jam-news.net/ge Facebook -   / jamnewsge   Telegram- /https://t.me/bukis_baza Twitter -   / jamnewsge   Instagram -   / jamnewsgeorgian