(27) لو ليك قضية في المحكمة شاهد الفيديو (انواع القضايا فى المحاكم)

انواع القضايا في المحاكم لو انت ليك قضية في المحكمة لازم تكون حريص انك تتابعها ، علشان الإهمال والتقصير فيها ممكن يوصلك لعواقب اكيد انت مش هتكون راض عنها ، فللامبالاة في القضية ممكن تهدر حقوق وترتب للاخرين حق مكنش ليهم علشان كدا لازم تكون حريص على قضاياك وتتابعها سواء بنفسك أو عن طريق وكيلك اللى هو بيكون في الغالب واحد من الأساتذه المحامين انترو بعد الانتروا زي ما قولنا لو ليك قضية في المحكمة لازم تتابعها وعلشان تقدر تتابعها لازم تعرف طبيعة القضية اللى انت رافعها أو اللى مرفوعة عليك أولا :القضايا المدنية فمثلا لو انت رافع قضية مدنية أو مرفوعة عليك زي التعويضات والنزاعات الناشئة عن عقود البيع و الايجار وملكية الأراضي وغيرهم بتعتمد القضايا المدنية على المستندات والأوراق والمذكرات وبيغلب على طابع المحكمة الهدوء فمثلا مش هتلاقي ترحيلات لمحابيس أو مساجين أو مش هتلاقي قفص لحبس المتهمين وده بسبب طبيعة النزاع المدني اللى بين الأفراد فلو انت مدعى يعني انت اللى رافع القضية هتلتزم بتقديم المستندات والمذكرات اللى بتؤيد مطالبك في الدعوى والا المحكمة هتحكم برفض الدعوى ولو انت مدعى عليك وخصمك قدم للمحكمة اللى قولناه فانت واجب عليك تقدم برده مستندات ومذكرات تهدم كل ما قدمه خصمك في القضية والا خصمك هيكسب القضية. ثانيا : القضايا المنظورة امام محكمة الجنح والمخالفات محكمة الجنح أول درجة بتكون عبارة عن قاضي واحد في المحكمة الجزئية والحكم الصادر منها حكم أولي فلو الحكم حضوري ليك الحق في عمل معارضة اسئنافية أمام محكمة هنتكلم عنها كمان شوية ولو الحكم غيابي هتعمل معارضة والمعارضة دي بتتنظر اما نفس المحكمة اللى هي الجزئية وأمثلة عنى قضايا الجنح زي جرائم الزنا ولبلاغ الكاذب وخيانة الأمانة والضرب البسيط والقتل الخطأ وخيانة الأمانة وقضايا الاتلاف ثالثا : القضايا المنظورة أمام محكمة الجنح والمخالفات المستأنفة ودي بتنظر القضايا اللى جاية من محكمة الجنح اول درجة اللى كنا بنتكلم عليها وهنا لازم تاخد بالك من حاجة مهمة جدا وهي إن الحكم الصادر من جنح الجنح العادية سواء غيابي او حضوري مش هيكون قوة وحجية التنفيذ زي الحكم الصادر من الجنح المستأنفة علشان الحكم هيكون نهائي ومش هيكون ليك الحق في الطعن غير الطعن بالنقض والطعن بالنقض لا يوقف التنفيذ الا في حالات معينة وقضايا الجنح بيكون صاحب الحق مجني عليه والشخص المعاقب اسمه متهم والعقوبة بتكون الحبس أو الغرامة أو العقوبتين . رابعا : القضايا المنظورة أمام محكمة الجنايات وهي احدى دوائر محكمة الاستئناف وتشكل من ثلاث مستشارين ، وبتنظر امامها الجرائم عادة الى عقوبتها السجن او السجن المشدد أو السجن المؤبد أو الإعدام زي القتل والسرقة بالاكراه والتزوير وهتك العرض والاختصاب وجرائم المخدرات. وطبعا هنا الخصومة بتكون بين النيابة العامة كسلطة اتهام أو ممثلة الادعاء وبين المتهم وبيكون دور المجني عليه كمدعى بالحق المدني وعادة بيكون المتهم محبوس احتياطي في قضايا الجنايات بخلاف قضايا الجنح اللى عادة النيابة أو قاضي التحقيق أو التجديد ببخليوا سبيل المتهم بأي ضمان واخلاء السبيل بشكل عام بيتم الحصول عليه للمتهم في الجنح أسهل ما بيكون في الجنايات . وطابع محكمة الجنايات بيكون مختلف تماما عن المحكمة المدنية اللى اتكلمنا عنها في الأول فبيكون هنا في حرس محكمة وحرس للمتهمين وعربيات ترحيلات للمتهمين وقفص للمتهمين وبتكون المحكمة أشد في المعاملة ودور المتهم أو الدفاع هنا أنه لازم يشكل قناعة لدى المحكمة إنه برئ فدور المستندات والمذكرات ضعيف مقارنة بالمحكمة المدنية لإن القاضي الجنائي بيعتمد على الاقناع وإنك تكوّن قناعة لدى القاضي في حدود سلطته التقديرية إن المتهم برئ سواء كان الاتهام كيدي وملفق أو عدم جدية تحريات المباحث أو بطلان القبض والتفتيش وخلافه من الدفوع القانونية الخلاصة إن أي قضية منظورة في المحكمة لازم تكون ما بين طرفي خصومة فلازم تكون عارف إنت ايه في طرفي الخصومة فلما تكون القضية منظورة أمام المحكمة المدنية أو محاكم الاسرة فانت هنا مدعي أو مدعي عليك وهنا يا إما بتكتسب حق أو بتفقد حق أو مركز قانوني ولما تكون القضية منظورة أمام محكمة الجنح فبتكون بين طرفي الخصومة الأول مركزه مجني عليه والأخر متهم وبتكون العقوبة الغرامة أوالحبس العقوبتين ولما تكون القضية منظورة أمام محكمة الجنايات بتكون بين المتهم وبين النيابة العامة كممثلة الادعاء لانها الساهرة على الحقوق والامينة على الدعوى الجنائية وبتكون العقوبة سالبة للحرية كالسجن أو السجن المشدد أو السجن المؤبد أو الإعدام . ودي كانت حلقتنا النهاردة ومتنسوش تتفرجوا على الحلقات اللى فاتت وتدعمونا بلايك للفيديو والاشتراك في القناة ولو عندكم استفسار سيبوه في الكومنتات أو ابعتوه على الواتس على الرقم ده واستنونا في اللي جاي ان شاء الله محامى نبروه محامي جنايات محامي احوال شخصية انت محامي رابط القناة للشير والاشتراك    / @mohamedal-basuoney   الصفحة الرسمية للاستاذ محمد اسماعيل البسيوني على الفيس بوك   / lwmohamadalbasuoney   الصفحة الرسمية للاستاذ محمد البسيوني المحامي على تويتر   / mohmdalbasuoney   الحساب الرسمي على الانستجرام   / m.albasuoney   مقدم البرنامج / محمد اسماعيل البسيوني المحامي Mohamed Al-Basuoney محمد البسيوني المحامي #اسألنى_فى_القانون #محمد_البسيوني #صانعي_المحتوى الاستاذ محمد اسماعيل البسيوني قناة محمد البسيوني محامي انت محامي محامي #محامي محمد البسيوني المنصورة المستشار #يوميات