Ora Investigim/ Ku u zhdukën 24 ton produkte ushqimore te skaduara ELKA?

#oranews #ushqimeteskaduara #elka #produkteteskaduara #skadenca #orainvestigim Siguria ushqimore do jetë ne fokus të ‘Ora Investigim’ pas informacioneve të mbërritura në lidhje me produktet ushqimore që duhen asgjësuar. Sipas ligjeve ne fuqi kur një subjekt do të kryej një procedurë asgjësimi duhet të informojë Drejtorinë e Tatimeve, Autoritetin Kombëtar të Ushqimit dhe Agjencinë Kombëtare të Mjedisit. TV Ora News iu drejtua me një kërkesë për informacion Autoritetit Kombëtar te Ushqimit dhe Agjencisë Kombëtare të Mjedisit ku u parashtrua e njëjta pyetje: Sa produkte ushqimore të skaduara ka asgjësuar kompania ELKA nga janari i vitit 2020 deri në gusht 2023? AKM në përgjigjen e saj na informon se gjatë kësaj periudhë kompania ELKA ka bëre dy asgjësime, i pari ne dhjetor 2020 dhe i dyti po në dhjetor 2022. Ndërkohë AKU në përgjigjen zyrtare na bënë me dije se ELKA nuk ka kryer dy, por tre asgjësime duke shtuar edhe një asgjësim produktesh 24.2 ton të kryer ne 13.12.2021. Pyetja në këtë rast shtrohet a e ka asgjësuar kompania sasinë 24 ton ushqime të skaduara ? Nëse po, pse nuk rezulton procesverbali i kësaj proceduare te AKM? Ne këtë rast Agjencia Kombëtare e Mjedisit nuk ka asnjë dijeni për asgjësimin e 24 ton produktesh të skaduara nga ELKA dhe te ky institucion mungon procesverbali i asgjesimit të datës 13 dhjetor 2021. Ku përfunduan këto ushqime të skaduara? Nëse asgjësimi është kryer pse nuk janë njoftuar inspektorët e mjedisit për të qenë prezent në këtë proces, i cili nuk mund të bëhet pa prezencën e tyre? Është pikërisht AKM institucioni i cili duhet të ketë informacion se ku do transferohen dhe si do asgjësohen ushqimet e skaduara. Për më tepër ky proces duhet të dokumentohet me foto dhe video. Tashme janë institucionet përgjegjëse qe duhet te sqarojnë situaten dhe të kryejnë hetim të thelluar se cili ka qene destinacioni final i 24 ton produkteve të destinuara për asgjësim. Për më shumë lexoni në: https://www.oranews.tv/vendi/ora-inve... Follow Televizionin Ora News Website: www.oranews.tv Youtube http://bit.ly/2DDddtL Facebook: http://bit.ly/2RkUN4s Instagram   / oranewstv   Twitter   / oranewsrtv