ЕКСКЛУЗИВНА ОБЈАВА - БИСЕР ВО ЖИВО - ЧУВСТВАТА ЗА ГОЦЕ - 1990

Прв фестивалски настап на Групата „БИСЕР" беше Првото издание на фестивалот за родољубиви песни „Гоце фест" во 1990 година. На фестивалот настапи комплетната македонска фолк естрада. „Бисер" доби ексклузивна можност, со свои инструменти, со свои засилувачи и сопствена инструментална придружба да учествува на овој фестивал со композицијата „Чувствата за Гоце" од познатиот битолски автор и собирач на македонски народни песни, Ѓорѓи Белџигеровски. Фестивалот се одржа во Универзалната сала во Скопје и не го пренесуваше ниедна телевизија, но зачуван е овој видео запис, снимен со една VHS камера. Оваа снимка е дел од тој видео запис и првпат ЕКСКЛУЗИВНО јавно го објавуваме. Во составот на групата се: Јане Ангелевски, Зоранчо Здравески - Зрпе, Благоја Шундовски, Љубе Србиновски и Сашо Михајловски.