Ajo është...

Teksti: Jasna Gjino Zengo Muzika: Bruko Broadcast Radio- Këngë origjinale- https://brukobroadcastradio.webradios... #jasnagjinozengo #brukobroadcastradio #dëgjoedheti Ajo është një vajzë Që s'po i vë emër, Por të gjithë djemtë E kanë në zemër. Ajo është hëna, Ajo është dielli, Ylli i mëngjesit Që bie nga qielli. Është ajo vesa, Që pikon ngadalë, Xixëllonj'e verës, Që ndriçon në ballë. Është ajo pranvera, Mbushur me aromë, Është edhe vera, E bukur, e ngrohtë. Ajo është vjeshta, Pikturë plot ngjyra, Është ajo dimri, Kur shkëlqen natyra. Det'i ngrohtë i verës, Mbushur plot mistere, Ajri i pastër i malit, Çelur luledele. Freski e mëngjesit, Rrez'e parë e diellit, Valëza lojcake, Në zemër të detit. Ajo është drenushe Me hapin e shpejtë, Është shtojzovallja, Si fjollëz e lehtë. Serenatë në hënë, Melodi në buzë, Ëndërr e mëngjesit, Nën qiellin e bruztë. Nëse pyesim djemtë, Kush është ajo vallë? Të gjithë në zemra, Nga një emër mbajnë.