Արեն Կարապետյան. Եղվարդ

Եղվարդի պատմությունը Արդեն 2 տարեկան է ։ Այս երկու տարիների ընթացքում լուսաբանվել են հազարավոր հոդվածներ, որոնք ինձ թույլ տվեցին ճանաչել հազարավոր հայրենակիցների և հաղորդակից դառնալ մեր հողի ծնած հանճարների մեծությանը։ Նրանց թվում են՝ Մովսես Եղվարդեցի կաթողիկոսը, Մաշտոց Եղվարդեցի կաթողիկոսը, Ալեքսանդրիայի հայոց պատրիարք Կիրակոս Եղվարդեցին, միջնադարյան հռչակավոր գրիչ Սիմեոն Եղվարդեցին, ամերիկահայ անվանի գիտնական Մարութ Եղվարդյանը և շատ ու շատ այլ նվիրյալներ, ովքեր դարեր շարունակ բարձր են պահել Եղվարդի անունը։ Ամեն օր, շփվելով իմ հարազատ եղվարդցիների հետ, ես ավելի խորն եմ զգում մեր ներքին, անտեսանելի հոգևոր կապը և օրեցօր ավելի ու ավելի եմ սիրում մեր ջերմ համայնքը։ Արդեն շուրջ 4 տարի է, ինչ ես անդադար ուսումնասիրում եմ իմ նախնիների պատմությունը։ Այս ընթացքում իմ առջև մի հրաշք բացահայտվեց. ես հասկացա, որ տասնյակհազարավոր բարեկամներ ունեմ աշխարհի տարբեր անկյուններում, իսկ Եղվարդի բնակչության մեծ մասն իմ արյունակիցն է։ Մեր արմատները հյուսված են նույն հողին, և ես հպարտությամբ ու սիրով եմ ներկայացնում այն թանկագին ազգատոհմերը, որոնց հետ կապված եմ բարեկամական ամուր թելերով. 1. Զոհրաբանք 2. Ասատրանք 3. Ռուստամանք 4. Ուսեփանք 5. Կամսարանք 6. Կնդլանք 7. Փրթոյանք 8. Մուխսի Աթոյանք 9. Եղազարանք 10. Վարժապետանք 11. Սեփոյանք 12. Խոջենք 13. Նորապսանք 14. Նկարիչ Մաթոսենք (Մաթևոսյաններ) 15. Բեյբութի Բաբկենենք 16. Ավագյան Սուրենենք 17. Բադալանք 18. Ալոյանք 19. Բիրաբանք 20. Պառավարդանք 21. Սիմոյանք 22. Բաբասենք 23. Բաբոյանք 24. Չախալանք 25. Վասիլանք 26. Թումայանք 27. Տեր Հովհաննեսանք 28. Մեջլումանք 29. Թունոնք 30. Յուզբաշոնք 31. Դալաքանք 32. Գաբոյանք 33. Զաքարանք 34. Բոյախչոնք 35. Բեյբութանք 36. Բլնգազանք 37. Լալենք 38. Բաբենք 39. Ղարոյանք 40. Մնեյանք 41. Պետրոսանք 42. Գաղթական Քերոբ և Սամսոն 43. Գիքեյանք 44. Տեր Հակոբենք Ու դեռ որքա՜ն անուններ ու տոհմեր կան, որոնց հետ մեզ կապում է նույն պատմությունն ու ճակատագիրը։ Յուրաքանչյուր մարդ, ով մի օր կորոշի խորությամբ թափանցել իր արմատների մեջ, կզգա այն մեծագույն երջանկությունը, որն ինձ է տրված՝ բացահայտելու, թե որքան շատ բարեկամներ ու հարազատ սրտեր ունի Եղվարդում և ամբողջ աշխարհում։ Մենք պարզապես համաքաղաքացիներ չենք, մենք մեկ մեծ ու անբաժանելի ընտանիք ենք։