HAP Podcast - Isak Skenderi - “Shkollimi nën peshën e paragjykimit dhe përjashtimit” #11

Ky episod i podkastit HAP kthehet tek njëra prej ‘plagëve’ më të thella dhe më të heshtura të arsimit në Kosovë: pabarazisë strukturore me të cilën përballen fëmijët e komuniteteve Romë, Ashkalinj dhe Egjiptianë. Segregimi nëpër klasa, paragjykimet e normalizuara si “zakon shoqëror”, fëmijët që nuk ulen krah për krah, rasti i Pejës në Festën e Abetares, mbështetja ose injorimi i diskriminimit nga vetë mësimdhënësit, mungesa e arsimit në gjuhën amtare - të gjitha këto krijojnë një realitet ku një fëmijë ndihet “i klasës së dytë” para se të mësojë alfabetin. Drejtori i organizatës VoRAE, Isak Skenderi ndan përvoja të drejtpërdrejta nga terreni, që nga fëmijët që nuk u kapet dora në lojë, te mësuesit që e mbështesin heshtur ndarjen, te dhimbjet personale të rritjes si nxënës rom në një sistem që shpesh të mëson të “pranosh” paragjykimin si diçka të zakonshme e normale. Por ai sjell edhe shpresë, vizion dhe kërkesa konkrete: arsimin në gjuhën amtare, përfshirjen e drejtë, eliminimin e segregimit, dhe atë “big jump” që mund t’i japë barazi reale një komuniteti të tërë. Kjo video është publikuar me ndihmën financiare të Bashkimit Evropian. Përmbajtja e kësaj videoje është përgjegjësi e vetme e Urban Flux dhe nuk pasqyron domosdoshmërisht qëndrimet e Bashkimit Evropian. © & ℗ URBAN FM & ONAIR MEDIA. All Rights Reserved