(世界盃狂歡月之夜消磨312) 港鐵屯馬綫: SP1900 (D331/D332)石門至大圍行車片段

MTR Tuen Ma Line IKK-Train (D331/D332) Shek Mun to Tai Wai 拍攝日期 Recording date: 1/5/2025 車序 Train order: 015 今集輪到要評人本人愛隊了。德國隊往年打世界盃系幾醒神, 唯2014年果班老將老退後, 之後一代似乎無法接棒, 之後兩屆世界盃都系小組賽出局, 直到兩年前系自己主場既歐國盃打入8強才看似有起色 講得出系看似, 即系話德國隊仍未上返去千禧年後期既水準。德國隊具天賦既年輕人系有唔少, 但系球會層面卻欠缺大賽經驗, 以致主帥拿高斯文既選人取向偏向富經驗但正走下坡既老將。尼批老將當中, 本人唔明點解哥列斯卡仲有得入大名單, 佢功能只限後上攻門, 防守更是強差人意, 從場上表現來看唔見得有改變戰局既能力, 系尼方面另一位備受爭議既辛尼都好過佢, 雖然都系麻麻但起碼系卡爾受傷後, 佢做變陣棋子既角色都系講得通… 當然選老將唔系全無好處, 其中重召前世界盃冠軍門將紐亞系對德國隊有利。自紐亞退下後德國試用過多位門將, 原本有望接班既達史特根近年受傷患影響而報廢, 其他人唔系不成氣候就系經驗不足, 都難怪紐亞一回復狀態後就需要把關。即使紐亞不復當年勇, 佢系更衣室定軍心既特質系其他成員缺乏的。另外, 甘美治系2016年後少數入豪門發展順利既德國球員代表, 理應系中後場核心之一, 個人認為佢踢右閘表現系好過防中, 十年前既表現證明佢系拿姆接班人, 反而中場位置上本人系期望新世代既柏夫洛域和菲歷斯尼馬查上位 前場方面, 穫斯同夏弗斯會系前場重心, 梅斯亞拿傷後一直冇態, 反而應多多善用禾特美迪和烏達夫, 尤其以今屆小組賽對手強度系更值得大膽嘗試。今屆德國隊系小組賽簽運不俗,配合埋有所改善既精神面貌, 小組第一問題不大, 尤其系首場對上庫拉索尼支聽都未聽過既北美三線國家隊, 預期德國有力大勝兼刷得失球。之後既路途方面, 32強預計對上其他小組第三出線既隊伍問題不大, 唯獨到16強好大機會對上法國, 如果法國維持到此前兩屆既水準, 估計德國會止步於此了 如果要講今屆邊支系死亡之組, 本人必定會選F組及L組, 尼兩組分別有兩年前系歐國盃抽中好簽入四強既荷蘭及英格蘭, 運勢上要還既始終要還… 系度先分析荷蘭, 荷蘭自自從2014年後曾步入低谷, 試過世界盃及歐國盃決賽週都入唔到, 要到2020年代才重新踏上國際賽大舞台。近代荷蘭開始出現能登上大場面既球員, 但都幾集中系中後場位置上。雲迪克系當中既老將代表, 系佢身邊亦有添巴, 雲達芬, 杜菲斯等中新生代好手, 中場亦有法蘭基迪莊和加雲貝治等冠軍級球員。講到尼度看似美好, 但問題就出系前場上。前場尤其系中鋒位仲需要依賴迪比及韋賀斯兩名老將做正副選, 迪比一冇同鄉做教練似乎無法系豪門立足, 如今已遠離主流聯賽, 還有多少功力成疑, 即使系小組賽仍有力入波, 一到淘汰賽總會現形… 韋賀斯作為前線支點夠勤力, 但把握力極差, 頂盡只能在領先後上場俾隊友回氣。荷蘭系小組賽中首場要日本, 算系整個分組賽階段最強戲碼之一。日本隊自從森保一上任後, 再不是如以往般任人魚肉, 上屆分組賽先後擊敗德國及西班牙尼兩支勁旅, 以小組第一出線。要知道既系西班牙兩年後就攞歐國盃冠軍, 可證明日本系其他強隊既陷阱。世界盃過後日本先後同一眾強隊友賽, 均打出亮麗一仗, 其中作客對戰德國更大炒4:1, 對陣巴西更是歷來首次勝出, 可以證明日本隊既球風及精神面貌迎來大躍進。今屆失去三笘薰無疑系致命打擊, 唯森保一既打法相對多變下, 要搵到另一種進攻藍圖應不成問題。相信兩隊既目標都系小組首名, 始終誰都不想32強就要面對巴西嘛。荷蘭隊打法相對上較為保守, 加上欠缺具分量射手, 面對經常出其不意既日本隊, 隨時會系今場失手… 如是者之後既路都唔系好行了, 始終瑞典都有返甘上下料。以荷蘭射手對強隊死火既表現, 想取得出線資格就要寄望其他隊友兼顧爭取入球既重任了。至於小組首名出線就要對上屆殿軍摩洛哥, 同樣都系難踢。如果荷蘭未能有所改善, 估計32強就會出局。過到尼一關後好大機會對陣南韓或挪威, 比32強賽輕鬆得多, 去到8強就大有可能對陣英格蘭, 兩年前既四強對戰組合再現, 到時會更有火藥味。然而缺乏強力射手下, 要勝出系難過登天, 睇黎都系甘先了 Request form of Sunday Matinees: https://docs.google.com/forms/d/e/1FA... 如需使用本片作任何用途, 請先得本人同意及批准, 違者必究