பழநி கணக்கன்பட்டி சற்குருபீட திருவாசக முற்றோதல் வழிபாடு 17-06-2026.

#போற்றியோ_நமசிவாய #திருவாசகத்தில் உள்ள சொற்களுக்குப் பதவுரை கூறிவிடலாம் சொற்பொருள் கூறுவது மிக எளிது. ஆனால், அச்சொல்லில் உள்ள பொருளை உணர்ந்து உரை எழுதவல்லார் எவரும் இலர். அதனாலேயே, சொல்லிய பாட்டின் பொருள் அறிந்து சொல்லுவார் என்று கூறாமல், " சொல்லிய பாட்டின் பொருள் உணர்ந்து சொல்லுவார் " என்று அருளிச் செய்வாராயினார் மணிவாசகப் பெருந்தகை. அறிதல் வேறு ; உணர்தல் வேறு. 'அறிவு' என்பது, பொருள்களை  (Things ) த் திட்டவட்டமாகத் தெரிந்து கொள்வதை மட்டுமே குறிக்கும். உணர்வு என்பது, அவ்வாறு தெரிந்து கொண்ட அளவில் நில்லாமல், அந்த அறிவு, தெரிந்து கொண்ட பொருளில் அழுந்தி அதன் வண்ணமாக ஆகி விடுதலையும் குறிக்கும். ஆக, 'அறிவு' என்பது, பொருளறிவையும் (Know of things), 'உணர்வு' என்பது, அனுபவத்தையும் (Personal experience) குறிப்பனவாகும். #திருச்சிற்றம்பலம்_தில்லையம்பலம்