كلية دار العلوم والفرق بينها وبين كلية التربية | خبرتي تشهد #19

كلية دار العلوم أهلا بيكم معانا في مبادرتنا #خبرتي_تشهد هنتكلم عن #كليةدارالعلوم طبعا اول ما بنسمع دار علوم بيحصل لبس بينها وبين كلية العلوم ودراستها عبارة عن فيزيا وكيميا وهكذا 😂 وطبعا دا خطأ جدا علوم حاجه ودار علوم حاجه تانيه خالص ودا اللي هنعرفه في البوست تابع معانا الكلية بتقبل ال ٣ شعب علمي علوم ورياضه وأدبي ومجموعها كل سنة بتبقى متفاوته عن اللي قبلها لكن المتوسط تقريباً في العلمي من ٧٨٪ وانتساب من ٦٩٪ وفي الادبي ٧٧٪ و الانتساب ٧٥٪ الكلية دراستها ٤ سنين وبتتخرج منها معاك ليسانس في اللغة العربية وأدابها وموجوده في أربع جامعات فقط «جامعه القاهره _ جامعه الفيوم _ جامعه المنيا _ جامعه أسوان» طيب ايه طبيعة الدراسة في الكلية دي؟! اول حاجه الكلية مفيهاش تخصصات وبتدرس كل حاجه هنذكرها بعد شوية ع الأربع سنين لوكشه كدا😂💜 ١- قسم النحو والصرف والعروض ٢- قسم الدراسات الأدبية زي الشعر والادب والنثريات وبتدرس فيه عصور الأدب العربي من الجاهلي للحديث ٣- قسم البلاغة والنقد الأدبي والأدب المقارن وبتدرس علم البيان وعلم البديع وكل الكلام دا ٤- قسم علم اللغة والدراسات السامية زي اللغة العبرية والشرقية زي اللغة الفارسية وبيبقى فيه مواد أساسية زي الانجلش ٥- قسم الشريعة الإسلامية وبتدرس فيه الفقة وعلم المواريث والتفسير والحديث ٦- قسم الفلسفة (العقيدة ) الإسلامية وبتدرس فيه علم الكلام والمنطق والتصوف الإسلامي ٧- قسم التاريخ الإسلامي والحضارة الإسلامية $# طب اي هيا مجالات الشغل بقى ؟!😌 شوف ي سيدي عندك 😁🤣 ١- صحافة وإذاعة ٢- تصحيح وتدقيق لغوي ٣- تصحيح وتحقيق كتب ومخططات ٤- التدريس ٥- الترجمة (عبري وفارسي ) ٦- وزارة الثقافة ٧- العمل الحر أو الفري لانسر ودا ممكن ندخل فيه التدقيق اللغوي او ممكن تدرس اللغة العربية لغير النطاقين بيها هتقولي انا سمعت كلمه التدريس كتير طيب إي اللي يفرقني كطالب دار العلوم عن طالب كلية آداب أو تربية ؟! طالب دار العلوم مش بيدرس قسم واحد وبتخصص فيه لأ هو بيدرس كل اللي ذكرتهم فوق دول بجانب التعمق الشديد في اللغة العربية واللي بيفتقره طالب التربية أو الآداب ف بالتالي الأولوية للتدريس بتبقى لخريجي دار علوم. متنساش تدعم مبادرتنا وتعمل لايك و شير واشتراك في قناتنا. زرونا علي صفحتنا علي الفيس بوك:   / 5bratyta4had   متنساش تعمل لايك للفيديو وكومنت باي سؤال واحنا هنجاوبك وكمان شير للفيديو علشان يوصل لاكبر عدد من الطلاب. #خبرتي_تشهد